|
زبانحال امام حسین(ع) به اکبر(ع) ایندی نالم بوریوب غملی بیابانی اوغول آچ گوزون بیرجه دانیشدیر من نالانی اوغول باش یاراسیندان آخوب قانین اوزه لخته لنوب گول یوزوندن سیلرم لخته لنن قانی اوغول آتاوین دای یوزی گولمز نه قدر زنده قالا ایویمی قانلی باشین یخدی بالام جانی اوغول آچ یومولموش گوزونی ایندی باجیم زینبی گور باجیمین قویما چیخا گویلره افغانی اوغول دوغرانوبدور بدنون برگ قیزیل گول تک اولوب آغلادیر یاره لرین زینب نالانی اوغول گیتمه سن خیمه لره نازلی رقیّه مده گلر چکمه گوداله طرف خواهر گریانی اوغول باخورام یاره لره درد و ملالیم چوخالیر توکورم گوز یاشیمی من یوزه هر آنی اوغول سحر اولدوزلاری تک چوخ آزالوب عمرون علی منه محشر ایلدون سن بو بیابانی اوغول سن سوسوز قانه بویاندون بو بیاباندا بالا ! ئولدوروب اهل جفا یاره لی عطشانی اوغول کول اولا سن سیز علی بیر بیله دنیا باشینا نیجه قان ایچره گوروم پیکر شأن شأنی اوغول باشون اوستنده علی گوزلریمون یاشی آخیر یاندیرور درد و غمین قلب پریشانی اوغول من آدامسیز باباوام ای گول طاها گوزل آچ آپاروم خیمه لره من گول طاهانی اوغول بیزی تاپشوردی خدا امته چوخ تأکیدیلن داندیلار اهل ستم آیۀ قرآنی اوغول دینه خاطر بو مصیبتلره من دوزدوم علی ویردوم الله یولونا سن کیمی قربانی اوغول بالا اوخلار پر آچوب جسم شریفینده سنین الیمون طاقتی یوخ تا چکه پیکانی اوغول گورورم پیکریوی نیزه و اوخ چولقالیوب آل قانین رنگین ایدوب دشت و بیابانی اوغول گیجه ((سلطانی )) یازوب نوحه لرین دفترینه آغلادوب غصه لرین صاحب دیوانی اوغول برچسبها: هادی سلطان محمدی
+ نوشته شده در پنجشنبه ۱۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
