|
وداع حضرت سید الشهدا (ع) ای محنت و بلادن قلبی یارالی زینب دور سال یولا حسینی باشی بلالی زینب چون وقت اووقت اولوبدی گوزدن سیزی آتام من احیای دینه خاطر القانیمه باتام من جان بذل ائدیب حق اوسته مقصودیمه چاتام من چوخداندی گوزلییردیم روز وصالی زینب عاشق گرک همیشه عهدینده صادق اولسون حکم شریعتیله ، فعلی مطابق اولسون قرآن یولوندا هر نه غم گلسه شایق اولسون راضی اوزوندن ائتسون تا ذوالجلالی زینب ای کربلا چولونده یالقوز حسینه غمخوار بو خیردا قیزلاریما سن سن باجی پرستار عباسیمین یرینده ائتدیم سنی علمدار قارداشیمین وفا ده سن سن مثالی زینب ای فاطمه آنام تک دین خدایه ناصر لازمدی حشر اولونجا ترویج اولا شعائر قرآن یولوندا سنده اول هر بلایه صابر ویرسین سنه خدا تا زرین مدالی زینب بو آخرین گئدیشدی ای فاطمه نشانی دل یاندیران سوزوم وار بو آیریلیق زمانی قیزلاردان اول مواظب رام ایله آغلیانی یوخ خیمیه حسینون گلماخ خیالی زینب ای قلبیمون قراری بیر بیله توکمه گوز یاش بو محنت و بلایه وار حق یانیندا پاداش مندن صورا سنیله غم غصه اولدی یولداش هجریمده آغلیارسان ماهیله سالی زینب دور سال یولا حسینی چوخ گلمه شور و شینه گوز یاشین ائتمه جاری اوت ویرما عالمینه عباس و اکبر ئولموش نوبت یتوب حسینه دوشسون گرک حسینده سندن آرالی زینب ****** حاج روح الله رمضانی برچسبها: روح اله رمضانی خاکی
+ نوشته شده در دوشنبه ۲۰ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
