|
زبانحال امام (ع) بر بالین علمدار کربلا (سبک : ای آسمان غمون …) امیر لشگر عشق دلاوریم گوزون آچ حسینه ایله نظر برادریم گوزون آچ مشگون یوخ علمونده صاف یئر یوخ بدنونده اللر یوخدی تنونده ابالفضلیم ابالفضلیم (۲) ستملن ایله دیلر او قوللاریوی قلم بو حالی گورسه گیدر امید اهل حرم گوزلردن آخوری یاش اوخ گوزده ازیلیپ باش پوزدون سن منی قارداش ابالفضلیم ابالفضلیم (۲) منه عدو گولوری یوخومدی چاره اخا سو یوخدی عیب ایلمز یارالی دور ایاقا اصغردن خجل اولما گول مثلی بئله صولما قارداشیم بئله دولما ابالفضلیم ابالفضلیم (۲) صفای قلب حسین طراوتیم سنیدون بئلیم سنیبدی اخا که قدرتیم سنیدون دل داغلی ای ابالفضل قول باغلی وای ابالفضل ای حالی زای ابالفضل ابالفضلیم ابالفضلیم (۲) دوتوبدی قان گوزووین تماماً آغ قاراسین معطلم که ئوپوم جمالیوین هاراسین آماری یاراوین یوخ جسموندی باشا باش اوخ قوللار یوخ محنین چوخ ابالفضلیم ابالفضلیم (۲) همای قاف ادب وزیر دولت عشق بنا قویوبسان عجب گوزل عمارت عشق دلخونم محنوندن بو غملی سخنوندن اوضاع بدنوندن ابالفضلیم ابالفضلیم (۲) دگوبدی آهن عمود باشین یوزون داغیلیب ووروبلار آننیوا تیر گوزل گوزون داغیلیب ای نور بصریم دور ای باتمیش قمریم دور وای سیندی کمریم دور ابالفضلیم ابالفضلیم (۲) بو مقتلوندن اخا گلور شمیم بتول آنام اوغوللوقونا سنی ائدیبدی قبول زهرانون گوزل اوغلی پاک و بی بدل اوغلی ای شیر جمل اوغلی ابالفضلیم ابالفضلیم (۲) ****** کربلایی رحیم شایان برچسبها: رحیم شایان
+ نوشته شده در پنجشنبه ۲۳ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
