|
زبانحال تشنه جگردر سر نعش علی اکبر ( ع ) نیه یاتموسان بو نوعی قوری یرده اکبر اوغلوم دور ایاقه خیمه گاهه گئدک ای هنرور اوغلوم آچ او قانلی گوزلرین بیر ، من بینوانی دیندیر بو غریب آتون اولوبدور غم فرقتونده دلگیر ****** دی گوروم سنی بو حاله علی سالدی هانسی ظالم که نه قدر باخسام آرتار داخی محنت ملالیم سن ائدنده عزم میدان سنیلن گلوب خیالیم گوزون آچ سسیمه سس وئر منی قویما مضطر اوغلوم بئله یاتماقون سبب سیز دگل ای مه مدینه بیلورم چوخ اینجدوبدور سنی بو گروه کینه باخار ایندی خیمه لردن یولووا باجون سکینه سنون آدوی دلینده ائلیوبدی ازبر اوغلوم بو فنا جهاندا نیلوم سنیچون طوی ائتمدوم من اورگیمده قالدی حسرت داخی کامه یتمدون سن بو چتیندی نعشون اوسته ائلیم فغان شیون من بینوایه کیملر اولاجاقدی یاور اوغلوم آنون ایندی خیمه لرده گلی دمبدم نوایه قَیدنده رزمگهدن نه دیوم او بی نوایه دوزه جک نه نوعی بیلمم ای اوغول بو ماجرایه سالاجاقدی فرقتونده باشا قاره معجر اوغلوم علی جان من اگلشنده سن اوتورمازیدون اصلا گورورم که خسته قیلمش سنی بو گروه ترسا قان آخوب یارالاروندن داخی سنده یوخ توانا منی بیکسی بو حالون ائلیوب مکّدر اوغلوم بیلورم سنی آت اوسته بیر عمودیله ویروبلار او عمودیله منیمده اوره گیمی یاندیروبلار سنی دوغریانلار ایندی بودی صف چکوب دوروبلار ائده جک شهید بیلّم منیده بو لشکر اوغلوم گئجه گوندوز آغلا ((کاتب)) غم شاه انس جانه که اونون غمینده گلدی یر و گوی هامی فغانه بو یوروردی قتلگهده علی اکبر جوانه نیه یاتموسان بو نوعی قوری یرده اکبر اوغلوم ******
برچسبها: محمدصادق کاتب اردبیلی
+ نوشته شده در دوشنبه ۲۷ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
