|
مناظره امام حسین (ع) و خانم رباب(س) وار یقینیم بالان اولدوز تک الینن سوزه جک دست کین قاشلارینا کیپریگینه قان دوزه جک اوخ ووران حرمله گر اولسا بوغازین اوزه جک غم آغیردی نقدر آغلیاجاخسان آغلا الین اما بالامین قونداقا محکم باغلا بارش ابر بهاران چمنه گول یارادار آتا قلبینده اوغول ئولمگی نسگیل یارادار آچیق اولسا الی جان ویرمگی مشکل یارادار گر چه سینمده منیم واهمه یوخ محنتدن قورخورام چوخ ال ایاق چالسا دوشم طاقتدن اول مهیا چکه سن کوی بلا سوز و سازین اصغرین گوز دولوسی گورمدین عالمده نازین دوشلوگون باغلا ولی سالما فشاره بوغازین مرغ روحی قفس تنده اونون لنگه دوشر بوغازی دوشسه فشاره نفسی تنگه دوشر دیدی دلدارینه لبیک وفا پیشه رباب ایلدی سرور و سالارینین امرینده شتاب الده شش ماهه گلوب ایلدی او مولایه خطاب دلبریم ایله ثمر جانمی محنت داشینا قوزی قربانیمیله قوی دولانوم من باشیوا یازمشام من بو سوزی دفتر پیمانه آقا ویرمرم بیر توکوی مین دله مین جانه آقا ناقص عاشقدی کوله دونمه سه پروانه آقا آل آپار اختر اقبالیم الینن آخسون قوی ایاقوندن اوپوم عشقیمه زینب باخسون گوهر عمرومی گتدیم صدفین سیلسین آقا عشقیمین پایه سینی خلق جهان بولسون آقا گولی ویردیم الیوه بیر دوداقین گولسون آقا چکمه غم یار ایویدی عاشقه میدان یولا توش باغبان باغیوه باخ غنچه وی خندان یولا توش یورولوبسان گورورم رنگ جمالین پوزولوب نهرین اوستن گیدنن بئله حالین پوزولوب
برچسبها: لاادری
+ نوشته شده در دوشنبه ۲۷ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
