|
حضرت امام حسین (ع) وار یئری یازسا قلم شاه شهیدان یاشاسین چونکی یازمیشدی حسین قانیله قرآن یاشاسین ریشه ی دینی یارییر گوردی جهالت تبری بولدی اسلامه داخی یوخدی بیر امکان یاشاسین گوتوروب اهل و عیالین باجی ، قارداشلارینی چوللره دوشدی ئوره ک داغلی کی ادیان یاشاسین دوزدی چولدن چوله دوشدی ، گینه ال چکمدیلر قویماروخ بیز دئدیللر عترتین آسان یاشاسین بو چولون چونکی بناسی قویولوب قانیله اودی قویمازلا بو صحراده مسلمان یاشاسین بو چولون خیر و شری قاعده سی فرقیلیدی میزبان مانع اولار بوردا کی مهمان یاشاسین مسکن ایدسون بورانی جاه و جلالین پوزولار بورانین داش قومی هرلحظه دیور قان یاشاسین کربلادی بورانین آدی گرک قان توکوله بئله فکر اتمه بو چولده قوزی قربان یاشاسین وئردی قربان علی اکبر کیمی شهزاده بالا دئدی آیا نئجه دین بی سر و سامان یاشاسین گوندیریب قاسمی میدانه زره سیز ، دیه لر تازه داماد حسن سرو خرامان یاشاسین شیر میدان نبردین ایله کی سالدی یولا دیدی گیت ای آتام اوغلی سنه قربان، یاشاسین علقمی فتح ایلدی فاتح خیبر بالاسی نهر علقمده دیدی ساقی عطشان یاشاسین دولدوروب اوجونی اما سویی میل ایلمدی عشقی احسن دیدی ای شیر نیستان یاشاسین ادب ، عباسی ابوالفضل ایلدی ، عازما قلم با ادب اول کی سوزون هر دم و هر آن یاشاسین گیجه لر یالواریرام صبحه کیمی فاطمیه نه اولار سویلسه بیر دفعه (( پریشان )) یاشاسین ****** رامین محمدزاده (پریشان) برچسبها: رامین محمد زاده پریشان
+ نوشته شده در دوشنبه ۲۷ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
