|
کوچ از شام بو خرابه نی ائلمه وطن ، باجی دور گئدک باجی دور گئدک آتا باشی سینه ده جان وئرن ، باجی دور گئدک باجی دور گئدک اسرا قطاری دمشقیدن ، دوشوری حجازه طرف یولا بابامین زیارتی وار گمان ، بیزه اربعینده نصیب اولا بیلورم مزاریده یاتموسان ، باخوری گوزوم گنه ساق صولا گوزومه گورونموسن حیف سن، باجی دور گئدک باجی دور گئدک گل عمر کل خلایقی ، بیلورم خزانه چکر اجل هامی آرِزولرینی قویار ، اورگینده کلک خلل چکر سنی مندن ائتدی اجل جدا ، باجیدان مگر باجی ال چکر باجیسین همیشه چوخ ایستین،باجی دور گئدک باجی دور گئدک منی قویدی قاره گونه فلک ، گینوب قرا قره باغلادون بو خرابه شامی کیمی باجی ، مَلَدون اورکلری داغلادون دوه اوسته یولداشیدون منه ، گجه آغلادون گونوز آغلادون گوزوون یاشین منیدوم سیلن، باجی دور گئدک باجی دور گئدک نقدر کتاب عزا و غم ، یازیلا باجی سوزی بوردادی آتاما عزیزه اولان قیزون ، بیله جک هامی ئوزی بوردادی وطنه گئدور قیدوب گلر ، خانم عمه مون گوزی بوردادی قالا چوخ چتین نگران گئدن ، باجی دور گئدک باجی دور گئدک ساغالان دگل قویالار دوا ، نقدر بو یاره نون اوستونه قفسینده یل دگه توزقونا ، نه روا قناره نون اوستونه باشینی یاتاندا عزیزه قیز ، قویا خشت پاره نون اوستونه قوری یرده ای ارییَن بدن ، باجی دور گئدک باجی دور گئدک باجینون سوزون خوش اولار باجی ، ائشیدوب اگر یره سالماسا قره کوینک عمه لرون باجی ، گینوب قرا گئدوروک یاسا سنی اکبرون جانی آی باجی ، ایاقوندا کی یارا توختاسا آرالانما باجیدن عمه دن ، باجی دور گئدک باجی دور گئدک نقدر ساغام نفسیم گلور ، پوزاجاق منی محنون سنون وئریلنده غسل جنازوه ، سویولاندا پیرهنون سنون قویولاندا مغسلون اوستونه ، گورونن زمان بدنون سنون باشا وردی آغلادی غسل ائدن، باجی دور گئدک باجی دور گئدک دیورم اورکلره نقش اولا ، اثری قالا بو سوزون باجی گوروننده قمچیلرون یری ، هامی فوری یومدی گوزون باجی بیبیم اولماسیدی رباب آنام ، او گون ئولدورردی ئوزین باجی دئدی بس هانی بالاما کفن ، باجی دور گئدک باجی دور گئدک باشوون بلاسینی گور فلک ، باجی جان یتوردی هارا سنون هامی قبره آق گینوب گئدر ، کفنونده اولدی قرا سنون قره بخت اولور قره پیرهن ، باجی دور گئدک باجی دور گئدک بو اوچوق حصاریده ائتمه سون ، غم و غصه دن ئوزوی رها کمک ائتسه حق بو خرابه یر ، اولاجاق عمارت پر بها هامی نون عزیزلیگی بسته دور ، بو جهاندا بیر اولان اللها هامونی عزیز اودی ایلین ، باجی دور گئدک باجی دور گئدک دیریلیکده هی بشیک ایستدون ، یتیشنده فکریوه صود امر سنه بیز بشیک تاپا بیلمدوک، یوزه توکدی گوزلرون اشگ تر او قدر مریدون اولار سنون ، بو یره زیارتیوه گلر گتورر بشیک سنه هر گلن ، باجی دور گئدک باجی دور گئدک ****** مرحوم انور اردبیلی برچسبها: انور اردبیلی
+ نوشته شده در چهارشنبه ۱۵ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
