|
کوچ از شام زبانحال عروس آی شامیده گوز یاشلی ئولن قافله گیتدی اوچ یاشدا اولان غرق مُحن قافله گیتدی سس ویرسسیمه حالی پریشان باجوام من آغوشه آلان قبریوی گریان باجوام من سنسیز گونی قاره ئورگی قان باجوام من آغلاتما منی شامه گلن قافله گیتدی ویرانه ده قوینوندا قالان اللره قربان قاره کفن ایچره بوکولن تللره قربان قبرونده اویان یاتما شیرین دیللره قربان گوزلر سنیده اهل وطن قافله گیتدی دوشدی یولا غم قافله سی من دالا قالدیم الله بیلوری گلدی یرون نه حالا قالدیم تا عطروی بیر یولدا مشامیم آلا قالدیم گلدیم سنه خاطر بورا من قافله گیتدی خسته بدنون دوشمیجک زحمته قورخما یانمش ئورگون یانمیاجاق محنته قورخما یوخ سیلی ویران نیلی اولان صورته قورخما گول صورتینی عمّم ئوپن قافله گیتدی صحرای غم افزاده اقامت ایله سنده کفاریدن عبّاسه شکایت ایله سنده قبرین بابامون قالما زیارت ایله سنده دیدارینه قلبی تله سن قافله گیتدی ویرانه ده یاندیم سسون افلاکه چخاندا آخشام چاقیلار قلبوی غم غصّه سخاندا دیواره قویاردون یوزوی چوخ داریخاندا محبوبة سلطان زمن قافله گیتدی گورسندی آغاج یاره سی عالی قوناقوندا پیشوازینه چخدون گیجه چاقی اوطاقوندا ئولدون قوناقین قانیوا غنچه دوداقوندا ئوز معجری دفنینده کفن قافله گیتدی غسّاله یوآندا سنی احوالوه یاندی اللرده ئولوبدور دیدی غسلونده دایاندی عمّم بویوروب قمچیه مدّتدی نشاندی آی کرب و بلادن دوئولن قافله گیتدی لایلای گیجه قانین بابامون زلفه یاخان قیز لایلای یوزونه گوز یاشی یوللاردا آخان قیز لایلای قوجالان عمّمه حسرتله باخان قیز روشن گونوزی شامه دونن قافله گیتدی لایلای بدنی شمع مثالی اریین قیز لایلای من آجام عمّمه گیزلنجه دین قیز لایلای بابامون خاطرینه قاره گین قیز قالما باجی ویرانه ده سن قافله گیتدی ****** یوسف معزّی اردبیلی برچسبها: یوسف معزی اردبیلی
+ نوشته شده در چهارشنبه ۱۵ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
