|
جناب حبیب بن مظاهر یا حسین من کوفدن بو دشته مهمان گلمیشم گر قبول ایتسن همین درباره دربان گلمیشم گر چه پیرم ناتوانم مو سفیدم مضطرم آستانونده دخیلم بیر قوجالمش نوکرم چکمرم ال دامنوندن محضروندن گیتمرم بو منای عشقیده عطشان ویرم جان گلمیشم آخر عمریمده یتشدیم آخرین آمالمه بیله بیر گون آختاروردیم مرحبا اقبالمه قرمزی قاندان خضاب ایتسم بو آغ سقالمه روسفید اولام جزاده شاد و خندان گلمیشم قان اولوب گویلوم شهادت جامنون عطشانیم چوخ گرامیدور مقامیم کربلا مهمانیم شاهزاده اکبرین من بیر قوجا قربانیم ایتماقا رخساریمی قانیله الوان گلمیشم ضعف پیری سست ایدوب اعصابیمی نالایقم اولماقا قربان دین اما اورکدن شایقم قان ایچینده تشنه لب جانویرماقین مشتاقیم بالش نرم و متکادن گریزان گلمیشم هر مسلمان گورسه ایستور دیننه یتسون خطر واجب و لازمدی جانین دیننه ایتسون سپر کالعدمدور عالم اسلامده دین سیز بشر حالم اوز دینمه وار منده ایمان گلمیشم گر مسلمان اولسا دین برنامه سیندن با خبر ایلمز قرآنله دینین فدای سیم و زر شرب و خمر و سرقت و تنزیلدن ایلر حذر بو قوجا وقتیمده پشتیبان قرآن گلمیشم مرد اسلامی ده حقا نام و جنگ اولسون گرک جاهد و فرمانی گلجک پیشهنگ اولسون گرک بحردعواموج ایدن وقته نهنگ اولسون گرک گر چه پیرم موقع دعواده اصلان گلمیشم ****** کریمی برچسبها: حسین کریمی مراغه ای
+ نوشته شده در سه شنبه ۱۴ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
