|
زبانحال حضرت مسلم(ع) گلمه بو کوفۀ ویرانه حسین دوندره للر اورگین قانه حسین آغلاداللار گوزیوی اولدورللر اوزیوی ای یوزی آئینه مهر و وفا ای ویرن جمله سنق قلبه صفا قانوه تشنه دی بو اهل جفا گلمه گلسن باتاسان قانه حسین کوفیان آندیلار ایمان لارینی درهمه ساتدیلار قرآن لارینی سندیروب عهدیله پیمان لارینی پشت پا وردیلا پیمانه حسین گر چه دعوت شده بیر مهمانم میزبان یوخ منه باغری قانم کوفه ده کوچه ده سرگردانم گیدّرّم دلشده هر یانه حسین اَسمیوب کوفیه بیر باد وفا تاپمیوبدور اوزینه رنگ صفا دیمه کوفه سوله بیر شهر جفا ظلمی مشکلدی گله سانه حسین دلده حسرتله یارام واردی منیم بو یارام تا که وارام واردی منیم گتماقا بوردا هارام واردی منیم یوخ منه منزل و کاشانه حسین بو باشمدان یول آزانلار داغلوب ئولدوروب قبر قازانلار داغلوب نچه مین نامه یازانلار داغلوب سس ویرن یوخ من نالانه حسین مردم اوّلده وفا گوستردی قهره صون مهرلرین چوندردی هامی مندن یوزینی دوندردی دولانوب اولدیلا بیگانه حسین یوزیمه باغلادی راه چاره ساق صولا گه گیدرم آواره قویارام گه یوزیمی دیواره ایدرم ناله یانا یانه حسین کوفه شهرین ایدرم مد نظر ویروری قان ایگی هر راه گذر قانلو قاتللریم آردیمجا گزر توکه لر قانیمی میدانه حسین آغلارام من منه وار چوخلی گولن یوخدی بیر درده یتوب درد بولن واردی نه گوز یاشیمی یوزده سیلن توکرم اشگیمی دامانه حسین خوش دوشر یاره حبیب آغلاماقی غمیله غصّه نصیب آغلاماقی یارادار حشر غریب آغلاماقی آغلارام منده غریبانه حسین جاندان اَل اوزموشم ای شاه زَمَن آغلارام چوخ سنون احوالوه من قورخورام سنده بو شهره گله سن دوشه سن آتش سوزانه حسین سن که پیغمبره سن روح روان ترک ایدوب منده علی تک سر و جان من ئولوم سن یاشا ای شاه جهان جانشینم شه مردانه حسین کوفیان ایمدیدن اعلان ایلر گلمه گلسن سنه طغیان ایلر بی سخن قانوه غلطان ایلر گلمه بو کوفۀ ویرانه حسین گلمه بو طایفۀ سفیانی ئولدورر اکبر مه سیمانی هجری مجنون وفا لیلانی سالی گوز یاشلی بیابانه حسین گتوسن زینبین اوغلانلارینی جاندان آرتوخ او دل و جانلارینی دوغریه للر قوزی قربانلارینی حشر اولار زینب نالانه حسین گتوسن قاسم گل پیرهنی گل نورستۀ باغ حسنی برگ برگ ایلیوب اشرار دنی دوندره للر گل خندانه حسین گلمه الدن ویره سن عبّاسی حیفدور حیف او ادب سیماسی یخدیلار قامت سرو آساسی سو کنارینده باتار قانه حسین بوردا بر عکس سنی یوخلاللار دلده آز اولسا غمون چوخلاللار الون اوسته بالاوی اوخلاللار قان ایچرده لّر او عطشانه حسین فاطمی لر اورگین داغلاللار هم سویوب قیزلاری هم آغلاللار زینبین قوللارینی باغلاللار گَلی بازاره اسیرانه حسین (( تائبا )) مسلم آدین یاد ایله آغلا احوالینه فریاد ایله او سنق گوگلنی آل شاد ایله آغلیوب مسلمه فرزانه حسین برچسبها: صادق تائب تبریزی
+ نوشته شده در چهارشنبه ۱۵ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
