|
زبانحال حضرت مسلم بن عقیل به امام حسین(ع) هارداسان گوزوم یولوندا قالدی انتظار عم اوغلی مسلمی آلوب آرایه قوم نا بکار عم اوغلی یوخدی بیر نفر مسلمان رحم ایده بو حال زاره ایندی باشمی کسللر نعشیمی چکلله داره پیکریم اولار دو پاره مسکنیم شها قناره قتلیمه چکوبدی قاتل تیغ پر شرار عم اوغلی نه یانیمدا بیر باجیم وار خشکه بند ایده یارامی نه آنام نه بیر قیزیم وار باشه باغلاسین قرامی قویموشام شریح ایوینده منتظر ایکی بالامی اولدیلار اولاردا من تک محنته دچار عم اوغلی گل هرایمه عم اوغلی گور بو شور و انقلابی دوشمشم بیر اوزگه حاله یوخدی یاره مین حسابی باشیمی کسنده قاتل آچ قولومداکی طنابی خاک پایینده ایدیم من جانمی نثار عم اوغلی اهل کوفه دوت طرفدن قویدی اوخلاری کمانه ایتدیلر بو بی پناهی تیر محنته نشانه یاره دگدی هر طرفدن پیکریم بویاندی قانه قان آخوب آپاردی مندن صبر و اختیار عم اوغلی گون ویروب زره قیزیشدی یاره لر ایدوب اذیت اود دوتوب اورک آلیشدی بیر کس ایتمدی حمایت عجزیله سو ایستینده دشمن ایلدی شماتت قان آخوب آپاردی مندن صبر و اختیار عم اوغلی بیر نفر گوروب سوسوزدان یوخدی طاقتیم قیامه دولدوروب سو جامین الده رحم ایدوب بو تشنه کامه سو دوداقیمه دگنده دیشلریم توکولدی جامه قسمت اولمادی بو زاره آب خوشگوار عم اوغلی قاتلیم الینده خنجر قویموری دورام ایاقه باغلیدور قولوم قفادن یوخ الیم ویرم قباقه ایندی نعشیمی بو ظالم بامدن سالار اشاقه کیم ایدرکفن بو جسمه کیم قازار مزار عم اوغلی کوفه ده آدامسیزام من بیر سسیمه سس ویرن یوخ حنجریمده قانلی خنجر حال زاریمی بولن یوخ دوره می آلوبدی لشگر بیر هرایمه گلن یوخ گوزلرم گله نجفدن شیر کردگار عم اوغلی لطف ایله گل آچ حسین جان بیر طنابی قولاریمدان غربت ایچره اول مواظب نازنین بالالاریمدان گور نه نوعی چشمه چشمه قان آخور یارالاریمدان قویما بو ایکی یتیمی دشمن ایچره خوارعم اوغلی دلده چوخدی اشتیاقیم گل یوزون گوروم دوباره نیلیوم الیم یتشمور وار علاقه یوخدی چاره ایلورم بو بامین اوستن بیر سلام او شهریاره من او بلبلم گولیمدن دوشموشم کنار عم اوغلی غبطه ایلیور ملک لر من یتیشدیقیم مقامه ایندی انبیا باخورلار ساق عرشدن بو بامه من شهیدلر ایچینده یتمیشم عجب مرامه اوّله یازیلدی آدیم قیلام افتخار عم اوغلی حاجیلار کسنده قربان رسمدور سو گوستروللر قاعده بو دور ذبیحی رو به قبله دوندروللر مسلمی نه رو به قبله دوندروب نه سو ویرللر کوفیان ایدور او رسمین عکسین آشکار عم اوغلی اوچ یره ایدولله قسمت رسمدور کسنده قربان ایندی اوچ بولر یارالی نعشیمی بو قوم عدوان پیکریم اولار دو نیمه نیزه ده باشیم نمایان راضیم ره وفاده یتسه هر فشار عم اوغلی نوکروندی بو ((کریمی)) فخر ایدر بو خدمتیله جان ویرنده باشی اوسته سایه سال محبتیله قلب مضطرین سویندیر وعدۀ شفاعتیله بیتنه جزاده ویر بیر بیت زرنگار عم اوغلی برچسبها: حسین کریمی مراغه ای
+ نوشته شده در چهارشنبه ۱۵ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
