|
پسران حضرت زینب(س) مقصودیمیز دیندور بیزیم قرآندی قارداش بیر جوت بالام بو مکتبه قرباندی قارداش هر شخصه واجبدور ائده دیندن حمایت چاتماز مرام و مقصده دینسیز جماعت گیتسه بولار نوش ایتسه لر جام شهادت من بیکسه بیر منصب شایاندی قارداش قوی منده شیرین جان ویرم جانان یولوندا بیر جوت بالا قربان ویرم قرآن یولوندا باش جان نه لازمدور بیزه ایمان یولوندا قالو بلاده ایتدیقیم پیماندی قارداش محشرده لیلا فخر ایدر اکبر ویروبدی واردور ربابین حرمتی اصغر ویروبدی زینب ده فخر ایلر ایکی نوکر ویروبدی باخما سولوبلار گللریم خنداندی قارداش زهرا آنام ویرمش منه درس شهامت شامین امیرین ایلرم رسوا خجالت دسبند زرّین دور منه قید اسارت قطرات اشکیم دانة مرجاندی قارداش بیر جوت فدا نذر ائتمشم من بو مناده ایله دعا مقبول اولا پیش خداده قوی زحمتیمدن ایلیوم من استفاده ایفای عهدیم مدرک ایماندی قارداش بیر جوت بالام پروردة مهد ادبدور قربانه سو ویرماق اگر چه مستحبدور نیلوم سو یوخدی تک تکی چوخ تشنه لبدور اوغلانلاریمدا من کیمی عطشاندی قارداش دشمن اگر پیکرلرین آلسا آرایه قاتل یارالی باشلارین وورسا جدایه باش آچمارام من گلمرم شور و نوایه صبریله هر مشگللریم آساندی قارداش من دختر شایسة خیرالنسایم فرزند دلبند علیّ المرتضایم من آسمان عصمته بدر الدّجایم عصمت نجابت قیمت نسواندی قارداش غم چکمرم سولدور سالار بو گوللریمی صبر ایلرم چوخ توکمرم اشگ تریمی نوحه یازار سینه وورار آغلار ((کریمی)) گوز یاشی گیزلین دردینه درمانی قارداش برچسبها: حسین کریمی مراغه ای
+ نوشته شده در چهارشنبه ۱۵ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
