|
زبانحال زینب به امام حسین(ع) راجع به علی اصغر(ع) چوخ باخوب اصغره یانما منی یاندورما حسین اوخلی قربانوی میدانی دولاندورما حسین ایتمه غم اولمادی سو سولدی الونده گل یاس گتور اکبر کیمی دوتسون آناسی اصغره یاس باخوری اهل جفا اصغرون آز باغریوا باس خیمه ده منتظری واردی یوباندورما حسین شعلۀ آهویله قلبیمی آز یاندور یاخ غشّ ایدوبدور آناسی خیمه ده بیر شیونه باخ بالاوون قانینی گل بو آغاران زلفیمه یاخ آتما قانین گویه افلاکی بویاندورما حسین نه چکور اصغر آناسی اونی بیر لیلی بولر شیرخواره بالاسین گورمسه ساق قالماز ئولر پوزقون احوالیوه باخدوقجا بو شام اهلی گولر دردیوی گل منه دی دشمنه آندورما حسین سُوَرم بیرده او غنچه گلی آغوشه آلام باغلیام حلقینی گهواره سینه بیرده سالام ساخلاما عرصه گه رزمده یورقوندی بالام اوز اوزون یورما مصیبتدن اوساندورما حسین آفت باد خزان یوز ویروب اول غنچه گوله قورخورام آغلیاسان شاد اولا شام اهلی گوله گورورم ایستموسن بو غمی اطفال بوله من ربابه ویررم سن اونا قاندورما حسین یاتمویوب اوچ گیجه گوندوزی ز بس ایچمیوب آب سو ویروب زهرلی پیکان ایلیوب ایندکی خواب سو ایچوب اصغری فکر ایلوری بیچاره رباب یوخلیوب ساخلاما میداندا اویاندورما حسین بولموری اهل حرم وضعینی قارداش ایشیگون سو امیدیله چکور الده سوجامی کشیگون خوردا قیزلار دولانولّار باشینا بوش بشیگون آغلاماقدان بالالار ئولدی دایاندورما حسین گه فرات اوسته باخورسان ایدوسن شور و نوا چاقورورسان بالاوی آلسون ابوالفضلون اَخا الی یوخ قارداشیم عباسین اونی سندن آلا عذری واردور آتاسی حیدری یاندورما حسین یانار احوالیوه بیگانه اگر گورسه سنی آغلاسان آغلادوسان قارداش آنام فاطمه نی غصه دن باتدی سسیم آغلاما آغلاتما منی خانۀ صبریمی بو چولده تالاندورما حسین یاحسین رفع ایت((حسینی)) دن اوزون بو مرضی بیر نگاهون اولی مین دکتر عالی عوضی گوز یاشیدی بو سوزومدن نچه نوکر غرضی چوخ باخوب اصغره یانما منی یاندورما حسین برچسبها: سیدرضاحسینی سعدی زم
+ نوشته شده در چهارشنبه ۱۵ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
