|
زبانحال حضرت رقیّه (س) به راس مطهّر امام حسین (ع) هنگام رسیدن به کاروان سبک (سوی دیار عاشقان– عطری گلور محرمون ) ای بابا گور سالوب نجه حاله بو ساربان منی جور و جفائیله ایدوب گور نجه باغری قان منی کرب و بلاده نعشیوین اوسته ایا شاه زمن قویمادی آغلیم سنه بیرجه دویونجا اوردا من گوردون اوزون عیان بابا سندن آیردی ظلمیلن ووردی او قدر قمچی چون ایلدی ناتوان منی ظلمی یتیشمیوب هنوز باشه او دونِ ناکسون ایمدیده قویمور اوج ایده ناله سی گور بو بی کسون ای بابا جان سولار یوزوم هردم آلاندا من سسون بسکه ووروبدی قورخودوب ای شه انس و جان منی ظلمیله اختیاریمی الدن او ساربان آلوب نازلی قیزون سکینه گور بیر نجه حالته قالوب بابا منِ بلاکشی دشتیده ناقه دن سالوب بی کس و زار و پرخطر چولده قویوب اینان منی بحر بلاده گلمیشم موجه غمیله داشمیشام اشک بصر برهنه پا گه صول و ساقه قاچمیشام بابا بو کهنه معجری چولده باشیمدان آچمیشام باغلامیشام ایاقیمه گور شه بی کسان منی نی کیمی من او پر خطر دشتیده داده گلمیشم گه سنی سسلیوب گهی عمّه می داده گلمیشم آبله دور ایاقلاریم بسکه پیاده گلمیشم گور نه فراموش ایلیوب زینب مهربان منی عترتیوی گیدنده سن جمله سپرده عمّه مه ایلدون ای شه حجاز بیر بیر او یرده عمّه مه ایله سپرده بو قیزون ای بابا بیرده عمّه مه بلکه فراموش ایتمیه بیرده او باغری قان منی چوخ ایدرم من آرزو بیر بو زمان شه جهان بیر ساق اولیدی کاش عموم ، یاعلی قارداشیم بو آن بیرجه ویریدیم ای بابا قمچی لرین یرین نشان تا که گوریدیلر نیدوب فرقه ی شامیان منی گه منی ساربان ووروب گاهی او زجر نابکار گه یوزیمه ووروب بابا سیلی او شمر بدشعار گور بو جهاندا من کیمی هانسی یتیم اولوبدی زار گه وورا ساربان گهی فرقه ی کوفیان منی من او سکینوم رضا اولمازیدون فغانیمه آچ بیر اوز گوزلریوی باخ اشکِ تر روانیمه جسمیم اولوب بنفشه تک ، قمچی ووروبلا جانیمه گور نجه ایلیوبدی زار آخری بو زمان منی ****** لاادری برچسبها: لاادری
+ نوشته شده در چهارشنبه ۱۵ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
