|
نوحه اربعین دردیمندم حسین جانه گلدیم کوی جانانه درمانه گلدیم اربعین دوتماقا باشدا قاره بو صفالی گلستانه گلدیم ای گل فاطمه جان یارالی تشنه شاه شهیدان یارالی خسته زوّاریوم خسته جانیم بو گوزل قبره قربان یارالی آل خبر حالیمی جان خواهر شرح ایدوم دردیمی تا سراسر ویر اجازه ئوپوم تربتوندن تا اولا جان مشامیم معطّر لاله ی باغ رضوان یارالی کوفه و شامی گیتدیم دولاندیم بو اسارتده عزّت قازاندیم پایه ی انقلابی اوجاتدیم سایه ی عشقیده دالدالاندیم پایدار اولدی قرآن یارالی سن دینن بس رقیّه نجولدی من دیوم قلبنه غصّه دولدی سن دینن سویگولوم هاردا قالدی من دیوم شامیده پر پر اولدی ویردی ویرانه ده جان یارالی اوچ یاشیندا بالان جانه دویدی ظلم اوخی غصّه لی قلبین اویدی نصف شب یرده قالدی جنازه جسمینی عمّه سی قبره قویدی اولدی باغریم منیم قان یارالی یوسف فاطمه دور ایاقه خوش صفا ایله یورقون قوناقه کوینگون آلدیم اللردن امّا شامیده گلدی جانیم دوداقه ای گوزل جسمی عریان یارالی کیم ئوپه آلتی گوشه مزاری آرتار عالم بویی اعتباری عطر زهرا گلور بو حرمدن ای آنام فاطمه یادگاری کشته ی عشق جانان یارالی زینبم حالیمه عالم آغلار اشگیمه کوثر و زمزم آغلار داده عباسی من سسلینده قطع اولان اللره پرچم آغلار نولدی سقای عطشان یارالی سن دی زینب ندن تئز قوجالدون من دیوم صبریم الدن سن آلدون من گیدنده قولی باغلی شامه سن حسین قانلی مقتلده قالدون ئولمدیم گلدیم الان یارالی باشیوی نیزه لرده گورنده جان قوشوم دیسگنردی بدنده من گزردیم او باشین دالیجا یا حسین دلده دشت و دمنده عاشقم سینه سوزان یارالی ای قیامی دیریلدن نمازی عالم عزّتین سرفرازی کاروانیم گلوب دور اذان ویر زینب ئوپسون کسیلمیش بوغازی دردیمه ایله درمان یارالی ****** حاج ولی اله کلامی برچسبها: ولی اله کلامی
+ نوشته شده در چهارشنبه ۱۵ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
