|
احوالات حضرت زینب(س) گل منتظرم داغلیدی سینم آی ابوالفضل ال سینه ده بی یار و معینم آی ابوالفضل درک ایله گوزو م یولدان قالان خواهری قارداش باغلا اوز الیله نگران گوزلری قارداش غربتده سینوبدی باجیوین شهپری قارداش من طایر فردوس برینم آی ابوالفضل هجرونده گلوم لاله کیمی خونجگرم من الدن دوتانیم اولماسا دلدن دوشرم من شام اهلینه ئوز دردیمی قارداش دیمرم من دوشسم ده چتین درده متینم آی ابوالفضل جان اوسته خیال عالم دشت غمی گوررم نهر اوسته قوپان غائله اعظمی گوررم دوشموش قولی گوررم ، یخیلان پرچمی گوررم مثل او علم نقش زمینم آی ابوالفضل اورگتمیشیدیم قیزلارا وحشتلی زماندا یا باب الحوائج دیه هر کس یخیلاندا ایندی ئوزوم الدن گیدورم شام خزاندا گلزاری سولان مرغ حزینم آی ابوالفضل ظاهرده یخلدی او علم ساحل نهره شامه گتوروب وردیم اونی مرکز شهره تا شقّه سی اسدیقجا ویره عالمه بهره آگهسن علمدار امینم آی ابوالفضل یاندیردی منی آیریلیقا باخدی زمانه دوز قدیمی اگدی منه کج باخدی زمانه هجران اوزوگون بارماقیما تاخدی زمانه غملر آراسندا چو نگینم آی ابوالفضل من ئوز ائلیمون ایچره سنی دُردانا بلّم جان تک ئوزومه قارداش ، آناوی آنا بلّم عبداللها پروانه دن آرتیق یانا بلّم همدرد دل امّ البنینم آی ابوالفضل سنسیز اتگیم اشک مصیباته بلندی دوشدی لکه آئینة بختیم زده لندی زهرا داریان تللره توز تپراق الندی الاندا که وار خاک نشینم آی ابوالفضل من زینب آنام فاطمه صدیّقه مرامم همسنگر سجاد و سخنگوی امامم یثرب وطنیمدی ولی تعبیدی شامم تا وار نفسیم هامی دینم آی ابوالفضل قیرخوندا که دوشدی چوله قافله ردّیم یاندیم ایله معناده تسلّی دیدی جدّیم گوردوم او کیچیک قبری بوکولدی اوجا قدّیم غم منظره سی دلده ، غمینم آی ابوالفضل مشتاقیدیم اعوانیمی ساق صولدا گوریدیم ایلوب حرکت قافیله می یولدا گوریدیم آغلار گوزیله قبریوی بیر یولدا گوریدیم درمانان اوزاق درده قرینم آی ابوالفضل ****** حاج ولی اله کلامی برچسبها: ولی اله کلامی
+ نوشته شده در چهارشنبه ۱۵ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
