|
خروج کاروان امام حسین(ع) از مدینه گئدور کرب و بلایه حسینون آنا ، زهرا اورک آیریلیقوندان دونوبدور قانا ، زهرا سنون قبریوون اوسته گلوب درد دل ائتسون صورا ترک مدینه ائدوب غربته گئتسون دعا ایله مرامه حسینون آنا یتسون اگر جسمی ستمله دوشه میدانا ، زهرا وطندن گئدورم من اگر موقع احساس بو اسلام عزیزه خطر ایلورم احساس ائدور ترک مدینه منیله گئدور عباس اودا دینه فدادور گرک دوغرانا ، زهرا یانور درد فراقه قویور تک سنی زینب ائدور ترک منیله سولان گلشنی زینب منه همره اولوبدور وفا معدنی زینب اولوب هم منه باجی قزون هم آنا ، زهرا سنون محنت و دردون ائدوب زینبی خسته اولوب جور عدودن اونون قلبی شکسته گئدور منله ، دوباره سنون قبریوون اوسته ربابیله اوغولسوز گلر یان یانا ، زهرا گرک دینینه خاطر حسین باشلیا نهضت گرک نوک جداده ائده آیه تلاوت گرک جانی عربلر ائده خیمه نی غارت گرک خیمۀ زینب ستمله یانا ، زهرا گرک نیزیه دشمن حسینون وورا باشین سیله قزلارون اوندا باجیم یوزده کی یاشین گرک باشلیا اوندا باجیم سعی و تلاشین امامی یانار اودّان چکه بیر یانو ، زهرا گیجه شام غریبان قوراندا منه زینب باخوب قلبی یاناندا سولان گلشنه زینب دیَین وقتیده لایلای ساری سوسنه زینب او بی یاوره سس وئر دییَنده آنا ، زهرا اولار خولی ائوینده کولون اوستی فراشیم گئدر کوفیه مهمان گجه یاره لی باشیم آخار قانلی کول اوسته منیم گوزده کی یاشیم حسینون غمی گلمز دئمکله سانا ، زهرا یانوب خیمه ستمله قاچاندا چوله قزلار ووروب قمچی سویاندا بالا قیزلاری اشرار قالان وقته او چولده قیزون بی کس و بی یار چاغرسا سنی داده دیرسن جانا ، زهرا بوگون ریشۀ دینه اگر لازم اولوب دم بیز اولاد رسوله غنیمتدی بو بیر دم گرک قان اولا تزریق رگ دینه دمادم منیم صود امر اوغلوم گرک اوخلانا ، زهرا ( تقائی اردبیلی) برچسبها: محمد تقائی اردبیلی
+ نوشته شده در چهارشنبه ۱۵ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
