|
زبانحال لیلا آچ گوزون ای اشبه پیغمبریم جسمی عبایه یغیلان اکبریم قانه باتوبسان اوغول - یاره لی آهو کیمی قاره تلوندن سوزور - قان یوزوه سو کیمی پیکرون اوخشور داغیلان لالیه قان تیلون اوستنده دوشوب ژالیه گوگده خسوفه دوشر آی رسمیدور یرده دوشوب قانلی یوزون هالیه هاله ده قال آی کیمی – سعی ایله باتما بالا باتسادا بخت اولدوزوم – سن منی آتما بالا دردون ایدوب عالمی محبس منه گل دیله ویر سنده اوغول سس منه دوریم آلان واردی تسلّا وئرن سن اولا بیلمز ولی هیچ کس منه سن بو اَسَن قلبیمون – چاره و امیدی سن سن بو سرشگی آخان – گوزلریمون دیدی سن سن گُل باغ دل پر غصّه سن سن آنالیق دفترینه قصّه سن بولگی آنالار آرا بولدی فلک سنده منه سهم چاتان حصّه سن بو غمه آغلار گوزوم – دشته آخان چای کیمی بولدوله سهمیّه می - خنجریلن پای کیمی حقلی دی جسمون گوره چوخلار دانا کیم گوروب آی خنجریلن دوغرانا هر طرفندن ئوپورم ایگلورم پیکریون یاره سی گلمور سانا درد دیلیم تک گچن – یاره سی ساندان بالا جامة الوان گیین – پیکری قاندان بالا قانلی گوزون جلوة جذّاب ایدر ماه گوزون گورسه یاتار خواب ایدر یوز یوزه قویدوم سنیلن من علی تاب ایلدیم هانسی آنا تاب ایدر ایگلیورم جسموی – لاله و ریحانه تک دور ایدورم دوره وه – شعله لی پروانه تک قانه دونه کرب و بلانون چایی دوتدی سو اوستنده بو دشتی هایی جسمون ایله خنجریلن دوغرانوب سانکی بولونموش بالا قربان پایی نجم امید و وفا – باتدی جفا باتمادی ظلمه باخ الله ویرن – پای اوزومه چاتمادی سینمی درد و غمیلن داغلارام یوز قویارام چوللره قان آغلارام قوشدون اوغسوزلارا لیلانی سن تا نفسیم واردی قرا باغلارام قاره باشیمدا علی – گیتسم اگر هر یانا هامی دیر یول ویرون – گلدی اوغولسوز آنا ****** هادی اردبیلی برچسبها: غلامرضا هادی اردبیلی
+ نوشته شده در چهارشنبه ۱۵ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
