|
زبانحال امام حسین (ع)درموقع اصابت تیر به حلق علی اصغر (ع) ووروب اوخ سنه دشمن ، گیدوب طاقتیم اصغر آخیب سیل کیمی قانین ، صولوب صورتین اصغر خیامین قاباغیندا ، دوراندا منِ مضطر یوزوندن کی اوپردوم ، سنی ووردی ستمگر بوغازین یارالاندی ، یومولدی قره گوزلر سفید قونداقین اولدی ، شبیه گُل احمر منیم حالیمی پوزدی ، غم و محنتین اصغر قوجاقیمده بوغازین ، اولوب لاله ی نعمان وروب حرمله چونکی ، سنه زهرلی پیکان ائدیبدور او ستمگر ، منیم باغریمی ال قان ولی دیل سیز اوشاقه ، اوخ آتماز قانان انسان چوخالدیبدی شقاوت ، اونون جرئتین اصغر آنان گورسه بوغازین ، اوجالدار سسین آغلار اونون آه و نواسی ، دل عالمی داغلار آلار قونداقی مندن ، یاراوی اوزی باغلار سالار باشینه قاره ، سنون یاسیوی ساخلار اولار درد و فراقین ، ربابه چتین اصغر دیوب حلقیوه پیکان ، کسوب قانلی دامارین بو بیر نیسگیلین آلدی ، آتان صبر و قرارین نه گولدون نه دیل آشدین،خزان اولدی باهارین علی خیمه ده ایندی ، یانیرلار باجیلارین ووروب باغریما آتش ، سنین فرقتین اصغر اوخ آتدی سنه ظالم ، ال اوسته یارالاندین بوغازین بیچیلنده ، اوغول قانه بویاندین گیدوب تاب و توانین ، حیاتیندان اوساندین جراحت شرریندن ، بلکده بیله یاندین قیزیل گول کیمی ایندی ، سولوب صورتین اصغر گویه قانیوی سپدیم ، بولود قانه بویانسین سحر یئللر اسنده ، گئدیب گویده دولانسین ایشیق لانسین افق لر ، یاتان ملّت اویانسین ستمگر شاهی گورسون ، قاباقیندا دایانسین الیندن اونون آلیسین ، اولان قدرتین اصغر اگر ایندی یانیمدا ، اولیدی عمون عباس ایدردی او وفالی ، منیم دردیمی احساس منه یاور اولاردی ، توتاردی سن او چون یاس اونی ئولدوروب افسوس ، بو گون فرقة خناس وئریب خالق یکتا ، اونا جنّتین اصغر اولوب لشگر کوفه ، بو گون مثل خوارج ولی اولما همیشه ، ضلالت یولی رایج اولار چشم بشردن ، جهالت توزی خارج دئیه ر اهل بصیرت ، سنه باب الحوائج گلر کرب و بلایه ، آلار حاجتین اصغر اوغول حلق شریفین ، اولوبدور اوخا آماج منیم خانة صبریم ، متاع لر کیمی تاراج ولیکن گله جاقدار ، قویار باشینه شاه تاج اولار خسرو هر یئر ، گوزل بابووا محتاج گیدر کل جهانه ، سنین شهرتین اصغر یازار نوحه وی (( هادی)) گلر آه و فغانه وئرر صبرینی الدن ، اولار اشکی روانه یانار آتش غمده ، دونر گوز یاشی قانه اونون دیلده نواسی ، وورار اود بو جهانه چکر کرب و بلانین ، ولی حسرتین اصغر ****** هادی سلطانی برچسبها: هادی سلطان محمدی
+ نوشته شده در چهارشنبه ۱۵ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
