|
راز و نیاز امام در بالین علی اصغر(ع)
اصغریم گلدی میدانه یا رب حلقی توش اولدی پیکانه یا رب چرپینوب بسکه قوللاری باغلی غرق اولوب سر به سر قانه یا رب اولدوزی اوخ سالوبدی سحابه لبریندن سوزور قان ترابه اوچ پر اوخ چالدی بیر غملی لایلای یومدی یورقون گوزین گیتدی خوابه من دوزوب دردینه طاقت ایتدیم صبر ویر بختی قاره ربابه ساچلاری الده اوز خیمه سیندن گوز تیکوب سمت میدانه یا رب اوخ هوادن ایلان مثلی سوزدی دگدی نازک بوغازیندن اوزدی تیری چکدیم بوغازیندن آتدیم اوخ یریندن یره قانی سوزدی غملی قُمریم قناد چالدیقجان قوملارین اوستنه لاله دوزدی کربلانون چولی زینت اولدی اوخشیور باغ رضوانه یا رب اوخلانوب الده بو مرغ کوثر اوخ دئیمه اصغره دگدی خنجر گول بوداقی کیمی پارچالاندی اوخ دگن لحظه ده تشنه حنجر لبریندن بوغازیندن اوپدیم سسلدیم یات بالا لایلای اصغر شمع تک سوندی شمع وجودی اولدوم اوستنده پروانه یا رب منده اصغر کیمی قانه باتدیم الده گول محضر یاره چاتدیم جمعه بازارینه لاله گتدیم اولمادی مشتری یاره ساتدیم پیکری اللریم اوسته قالدی قانینی دولدوروب عرشه آتدیم مُهر تایید اولا بو آخان قان ایتدیگیم عهد و پیمانه یا رب اکبریم ئولدی عباسیم ئولدی یار و انصاریدن بیر قالان یوخ چوخلارین من دوتاردیم الندن هئچ منی ایندی یاده سالان یوخ اوخلانوب دلسیز اوغلوم الیمده قانلی قونداقی مندن آلان یوخ اصغریم اوخلاناندان اولوبلار آشنالرده بیگانه یا رب باخدی قُمریم سووا ایتدی کوکو بیر ایچیم حرمله ویرمدی سو گه سودان کوسدی گه باخدی نهره لبلرین امدی بو تشنه آهو سو دئدیم اصغره اوخ دئدی یوخ قهر ایدوب شمریدن دوندروب رو ذبح اولان لحظه ده ویرمیوبلر بیر ایچیم سو بو قربانه یا رب (هادی اردبیلی) برچسبها: هادی سلطان محمدی
+ نوشته شده در چهارشنبه ۱۵ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
