|
شب عاشورا – زبانحال رباب الله مَلَر اوغلوم سوسوزوندان یاتا بیلمور چارم ندی نیلوم بو لب عطشان یاتا بیلمور از بس چالیشوب خسته دی گوزلر سوزولوبدی رنگی سارالان صورتینه تر دوزولوبدی چارم کسیلوبدی الیم الدن اوزولوبدی یورقوندی الیمده قوزی قربان یاتا بیلمور اشکی دایانوب گوزلرینون قعر چهینده یورقون گوزی قالمیش سوسوزونده سو رهینده دیلسیزدی ولی سو دانیشور هر نگهینده هم من یانورام هم بو پریشان یاتا بیلمور هر ناله سی بیر اوخدی یانان قلبه ساچوبدی گوزلر آخینوب سس کسیلوب رنگی قاچوبدی لبلر قورویوب ماهی کیمی آغزین آچوبدی اولموش سسینه سینه سی زندان یاتابیلمور باتمیش سسینه غصّه لی کوکو گوره آغلار گوز یاشینی چایلاردا آخان سو گوره آغلار یورقون بالامون حالینی آهو گوره آغلار لایلای دیورم یات ننه قربان یاتا بیلمور چالدی اَل ایاق ایستی هوا ایلدی خسته مندنده صود اوستنده اولوب قلبی شکسته قویجاق یورولان کیپریگینی کیپریگی اوسته ایلور بونی رویاسی هراسان یاتا بیلمور وحشت زده آهو کیمی جلب نظر ایلور اطرافی گزور گوزلری درک خطر ایلور وحشتلی آیلماق بالامی جان بسر ایلور گوهر تک ایدورگوز یاشین ارزان یاتا بیلمور نفرین اولا بو دجله و دریای فراته بیر جرعه سو اوستنده دوشوبدور زحماته ائتدیم بالاجا قوللارینی بسته قماطه آز چنگ آتا چوخ خالیدی پستان یاتا بیلمور احوالی خیام اهلینه باب غم آچوبدی گلبرگ دله خار غم آه ساچوبدی رویا سوزولن قاره گوزیندن کی قاچوبدی گر چالماسا لایلای بونا پیکان یاتا بیلمور یا رب بالام ئولسه اولارام من گونی قاره من چاره تاپا بیلمدیم ایت سن بونا چاره گهواره ده آللام سینمون اوسته دوباره سینمده یاتا بلکه بو نالان یاتا بیلمور گویا آلیشور سینمون اوسته شرریمدن مین شکوه یاغور گوزلرینون اشک تریندن شرم ایلیورم بلبلمون باغلی پریندن سانکی یغشیوب سینه سینه جان یاتا بیلمور ****** هادی اردبیلی برچسبها: غلامرضا هادی اردبیلی
+ نوشته شده در پنجشنبه ۱۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
