|
احولات وداع امام حسین(ع) سال یولا یوباتما حسینووی آغلاما یانا یانه زینبیم من گرک علی اکبریم کیمی عرصه ده باتام قانه زینبیم ****** واردی حاجتیم ای کرم نما آچ منی بو غمدن رها ایله حقیّم اولسا بوینومدا ساخلاما هر مکاند ا اولسا ادا ایله یادیوه اگر دوشسه قارداشون هر نماز شبده دعا ایله احتیاجی وار دور حسینووین التفات رحمانه زینبیم جانفدای دین پیمبرم یادگار طاهانی ساخلارام دین حق گرک جاودان قالا اعتبار ایمانی ساخلارام خنجر آلتدا دوغرانسا پیکریم سوره سوره قرآنی ساخلارام قطعه قطعه حافظدی پیکریم آیه آیه قرآنه زینبیم اولمارام اسیر ستمگران ننگیدور اسارت حسینووه افتخار ایله منشی قضا یازمیوبدی ذلّت حسینووه طاقت ایله هجرانه آغلاما فخریدور شهادت حسینووه احتیاجی وار انقلابیمون صبر و تاب شایانه زینبیم آغلاسون دیللر کی قارداشون مبتلای تشویشیدور باجی یوخ بیلن کی من مست وصلتم دشمنیم کج اندیشیدور باجی قانه غرق اولان قهرمانلاریم برگ سبز درویشیدور باجی پیشکشدی قربانلاریم منیم پیشگاه جانانه زینبیم امت رسول گرامیه زادة امیّه امیر اولوب ملتین حقوقین دَرَنده لر غارت ایلیوبلر فقیر اولوب من نجه گوروم شیرلر باجی روبَهِ زبونه اسیر اولوب سازش و سکوت و مسامحه ننگیدور مسلمانه زینبیم تیر عشقوی باغلا چلیّه قلبیمی ئوزون دوت نشانه وور قلبیمون باشیندا ننم کیمی خیمة وفا عاشقانه وور ممکن اولسا بیکس رقیّمون تللری گره لنسه شانه وور شانه ویرماسون ، تازیانه لر زلفینه وورار شانه زینبیم یرده قویما قالسین بو قانلاری ای وکیل خون شهید عشق ایلسین گوروم دست حقّ سنی یوم حشریده رو سفید عشق رو سفید عشقین الینده دور حشریده فقط چون کلید عشق هر ذلیله یوخدور وگرنه یول گلستانِ رضوانه زینبیم دشمنان اسلامی خوار ایله من دینن عزیز پیمبرم آل هاشمون قهرمانیم دختر شهنشاه خیبرم باشیمی کسون قارداشیم کمی هرزه رهبره من باش اگمرم طشت زرده احسن دیوم سنه آغلیوم غریبانه زینبیم اوغلوما یتور بو وصیّتی سال دینن گولون شبنم اوستونه چون یانوردی تبده دینمدیم توکمدیم غمی من غم اوستونه دفن ایدنده باشسیز جنازه می قویسون اصغری سینم اوستونه کسر شأنیدور شمعه اولماسا دوره سینده پروانه زینبیم ****** حسین غفاری اردبیلی
برچسبها: حسین غفاری اردبیلی
+ نوشته شده در پنجشنبه ۱۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
