|
وداع حضرت سیدالشهدا(ع) قویمور گیدم جداله نازلی رقیم الله باخ گور قالوب نه حاله نازلی رقیم الله گوز یاشی صدق دلدن ایلیوب منه توسّل وقتیم گچور بو چولده ایلیوم نجه تأمل رد اول دیدم یولومدان الله سنه توکّل ایتدی فغان و ناله نازلی رقیم الله عشقین باشمدان آتدیم صحرای کربلاده قان اولدی قلب زاریم عزم ایلدیم جهاده گوردوم گلور دالمجان گوز یاشلی پا پیاده قان یاش الر جماله نازلی رقیم الله سسلور بابا اماندی یاندیم غمه فراقه بو زار و دلفکاری لطفیله آل قوجاقه بیرده قویاق دویونجا با هم دوداق دوداقه گیتمه دیدی قتاله نازلی رقیم الله گوردوم گلوبدی تنگه غم غصه لر الیندن گوز یاشیم آخدی یکسر قان اولدی نسگلیندن اود دوتدی یاندی قلبیم شیرین شیرین دلیمدن حیران قالوب سه ساله نازلی رقیم الله رحم ایت بو بی پناهه ای عالمون پناهی سندن صورا بو چولده یوخ ئوزگه تکیه گاهی نسگلیدور یتیمون جان یاندیران نگاهی حسرت قالار وصاله نازلی رقیم الله وحشتلی چولده جسمی یاپراق کیمین اسنده دلخسته مو پریشان صحرالری گزنده صیاد بی مروّت آخر سالار کمنده بنزر گوزل غزاله نازلی رقیم الله بو باغری قان یتیمی محنت سالار حصاره شامون خرابه سینده قانیاش الر عذاره بیر قاره معجریله آخر گیدر مزاره دلدن یانار ملاله نازلی رقیم الله ****** برچسبها: فرهاد فکری
+ نوشته شده در پنجشنبه ۱۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
