|
زبانحال امام (ع) دردم واپسین خود- خطاب لشگریان کوفه ای جماعت وورمیون چوخ نیزه و خنجر منه بسدی بو سینمده کی داغ علی اکبر منه بیر طرفدن لشگر اندوه ایدر هر دم هجوم بیر طرفدن فوج اشگ دیدۀ پُر نم هجوم بیر طرفدن اوستومه ایلر سپاه غم هجوم بیر طرفدن اولمیون سیزده هجوم آور منه سو تک ایتدوز جاری عبّاس دلاور قانینی ظلمیله توکدوز یره عونیله جعفر قانینی آلمارام محشر گونی شهزاده اکبر قانینی ایتمیون بو کربلانی عرصۀ محشر منه ای جماعت بیر گوگل آئینه سین سیز صاف ایدون شرمیز اولسون کینه و ظلموزده آز اچهاف ایدون وورمیون ئولدورمیون رحم ایلیون انصاف ایدون خیمه لرده گوز تکوبدور قرخ قرا معجر منه اولمیون آماده جنگه ای جماعت یول ویرون سینه می ویرمون خدنگه ای جماعت یول ویرون عزم ایدوم روم و فرنگه ای جماعت یول ویرون قویمادوز اولسون نشیمن قبر پیغمبر منه زخمدن جسم اولدی روزن روزنه رحم ایتموسوز رحم ایدر ای قوم دشمن دشمنه رحم ایتمسوز سیز مسلمانسوز مسلمانلار منه رحم ایتمسوز گورسه رحم ایلر بو گونده هر نچه کافر منه تیکمیشم میدان عشق حقّ ده بیرق یره ویرمیشم بو قامت موزونیله رونق یره حقّ امامین ئولدورو سوز نیلیوب ناحق یره منکه حق حق سویلرم کیم خارجی سویلر منه جوهر جسمیم منیم اولموش مرکب عشقیلن اولموشام قالو بلاده من ملقّب عشقیلن ساقیان عالم معنا لبالب عشقیلن ویردیلر غم مجلسینده بیر دولی ساغر منه ترک کثرت ایلیوب اولدوم می وحدتله مست هیچ علاقم قالماسون عهد ایتموشم روز الست ایلمز مستانه عاشق عهد پیمانین شکست بو حسین بو کربلا بو سیز وورون خنجر منه اولقدر ظلم ایلیون جور و جفادن بیر دویون ئولدورون یکسر لباس و رختیمی تندن سویون جان ویرن وقتیمده امّا ای جماعت سیز قویون بیر دویونجا آغلاسون اول زینب مضطر منه الده جان نقدی دوتان عاشق فراواندور بوگون جان متاعی عشق بازارینده ارزان دور بوگون قاسم و عباس و اکبر خاکه یکساندور بوگون وار شتابیم قانلی توپراقیم اولا بستر منه من ازل گون بو شهادت امرینی ایتدیم قبول جان ویرنده باشیم اوسته اولماسون آل رسول نه صحابه نه کمک نه قوم و قارداش نه اوغول کربلاده قالماسون بیر یار و بیر یاور منه عشقیله تخمیر اولوبدور اصل بنیادیم منیم عشقدور بو آب و خاک و آتش و بادیم منیم مکتب غمدن شهادت درس استادیم منیم حرف حرف و نقطه نقطه ایتدیروب ازبر منه بزم غمده آغلاسون دائم پیمبر امتی شیعۀ خاصّین نقدری وار الینده فرصتی آلماقا محشر گونی ((راجی )) متاع جنتی بیر در شهوار اولور بو اشگ چشم تر منه برچسبها: ابوالحسن راجی تبریزی
+ نوشته شده در پنجشنبه ۱۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
