|
زبانحال جناب عبدالله نورچشم ابی عبدالله میدانیده گوردوم سنی یالقوز بابا گلدیم آلدیم سسون امداده اوغلسوز بابا گلدیم گوردوم آلوب اطرافوی بو لشگر کینه یوخدور سنه امداد ایدن ای شاه مدینه حالون چوخ اثر ایتدی منی زار و حزینه آلدیم سسون امداده اوغلسوز بابا گلدیم دوشموشدوم ازلدن باباجان منده بو مشقه گلدیم یتشم منده همین مجلس عشقه باشیم سنیله تا گیده بازار دمشقه آلدیم سسون امداده اوغلسوز بابا گلدیم قویموردی منی گلماقا عمّم بو مکانه یالواردیم او قدری گلوب آخرده زمانه سالدی گوزی یاشلی یولا قالدی یانه یانه آلدیم سسون امداده اوغلسوز بابا گلدیم باخدیم که آلوب دور و برون زمرة اوباش گلدیم بو امیدیله حرمدن بابا بیر باش جان نقدینی تا اینکه ائدم باشووه شاباش آلدیم سسون امداده اوغلسوز بابا گلدیم میداندا بابا سن طلب نصرت ایدنده آرام دلیم گیتدی توان قالمادی منده قلبیم یارالاندی گوروب اول حالتی سنده آلدیم سسون امداده اوغلسوز بابا گلدیم تا اینکه سسون خیمه ده بی کس آنام آلدی فریاده گلوب شیونی افلاکه اوجالدی گَتدی اوز الیله منی آخر یولا سالدی آلدیم سسون امداده اوغلسوز بابا گلدیم ((عاصی)) شه دینه گوزی یاشلی یاز عریضه گوز یاشی دوادور هامی مأیوس مریضه یاز بو سوزی آغلا اوزیوه ائیله فریضه آلدیم سسون امداده اوغلسوز بابا گلدیم ****** برچسبها: حسن عاصی
+ نوشته شده در پنجشنبه ۱۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
