|
شهادت پسران حضرت زینب(س) بویانوبدی قانینه زینبین ایکی اوغلی شمس و قمر کیمی باش آچوبدی فاطمه آغلیور بالاسی ئولن ننه لر کیمی ****** برینون دگوب یارا باشینه توکولور یره باشینون قانی سورونور او بیرسی یاواش یاواش بیلینور کی واردی هله جانی قاریشوبدی زلفلری بهم ولی ایندی شانه ووران هانی سوروشون گورون کی فلک سالوب غم و محنته بو قدر کیمی بیرینه او قدری دگوب یارا بویانوب قیزیل قانا پیکری ایله بیل کی اوچی ووروبدی اوخ بوییوبدی قانه کبوتری یورولوبدی گوزلری سو گزور چاغیرور هرایه پیمبری سو تاپانمیور ایچه ، تشنه لیک دوداقین یاروبدی تبر کیمی بو غمی گرک یازا شاعرین گُل لاله اوستونه خامه سی ایکی قهرمان شرافتین بیرنون باتوب قانا جامه سی یئری وار فرشته لر آغلاشا بیرنون دوشوبدی عمامه سی یاریلان باشی اثر ایلیور آقاسی حسینه شرر کیمی ائشیدوبدی ناله لرین حسین گلوب الغرض تاپا گوللرین بیرین اوّل آلدی قوجاقینه آیروبدی ساق صولا تللرین ایله توکدی گوزلرینون یاشین ایله بیل تاپوب علی اکبرین او گوزل جمالی وصالیدن آچیلوبدی صبح ظفر کیمی گوزی یاشلی هر یئری آختاروب ایکی سینده تاپدی غرض امام اَله آلدی اوّل عمامه سین ئورک ایستیور ایلیه دوام دیدی سیز منیم باجیم اوغلیسوز سیزه اکبریم کیمی آغلارام توکولر منیم گوزیمون یاشی یره دانه دانه گهر کیمی ****** حسین غفاری اردبیلی برچسبها: حسین غفاری اردبیلی
+ نوشته شده در پنجشنبه ۱۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
