زبانحال حضرت رقیه(ع)

هانی قارداشیم هانی اللریم ، هانی اکبریم هانی اکبریم

اولوب عمه اکبریم ازبریم ، هانی اکبریم هانی اکبریم

سارالان چمنده سولان گلم چمنه باخوب سینه داغلارام

یتشوبدی شامه ایشیق گونوم گیونوب قرا قرا باغلارام

گونوز آغلارام ، گیجه آغلارام یورولوب دوزوب گینه آغلارام

گله اکبریم گیده غملریم ، هانی اکبریم هانی اکبریم

منی عمه چوخ سئور اکبریم نیه گلموری بوله حالیمی

نیه گلموری آلا قرمیزی شال آچا بو باش قرا شالیمی

بله گورسنور گوره بولمریم داخی بیرده خوش خط و خالینی

هانی اکبریم گله بنزریم ، هانی اکبریم هانی اکبریم

دیمورم منه زر و زیور آل دیمورم داغیلدی جلالتیم

دیمورم آجام اولا نسگلون نه واریمدی بستر راحتیم

دیمورم یتیملیقمون سوزون دیمورم کی مشکل اسارتیم

دییرم هانی مه انوریم ، هانی اکبریم هانی اکبریم

نولوب اکبریم من اسیر اولام نجه من دوزوم بو اسارته

بو اسارته دوزرم ولی دوزه بیلمورم بو شمادته

بیزه خارجی دیه خارجی داخی دوزمرم بو اهانته

گیده غارته قرا معجریم ، هانی اکبریم هانی اکبریم

هانی عزّتیم هارادور بورا هانی اللریم وطنیم هانی

هانی دکتریم هانی مرحمیم منی یاد ایدن گلنیم هانی

یتشوبدی عمرومون آخری بورا مدفنیم کفنیم هانی

منی چوخ یورور یارا اکبریم هانی اکبریم هانی اکبریم

کاش علی گیدنده فراته من اوزومی آتاردیم ایاقینه

بو باشیمداکی قارا معجری کاش آچیدیم اوندا قباقینه

اودی اوت دوتور اورگیم یانور منیم عمه سوز فراقینه

شاما دوندی صبح و سحرلریم هانی اکبریم هانی اکبریم

نئجه گور فلک گوروری روا منه بو خرابده تک قالام

منه یادگاری آلوب علی تک اولاندا یادیمه من سالام

هانی گوشواره لریم منیم که علی نین عطرینی من آلام

دیم اکبرم دیم خواهریم هانی اکبریم هانی اکبریم

بابامون فراقنی عمه جان بله چوخ فشاره سالور منی

گیجه گلموری گؤزومه یوخی غم جان شکاره سالور منی

ولی اکبرین غمی جانیمی آلوری مزاره سالور منی

یاتور آسمانیده اختریم هانی اکبریم هانی اکبریم

من ئولونجه گلمسه اکبریم بله سویلیون بو شیرین دلی

یازون عمه باش داشیما منیم بودی اکبرین سارالان گلی

بو رقیه دی یورولان بالا گوره اکبرین بودی نسگلی

دیه اکبریم گل پرپریم هانی اکبریم هانی اکبریم

******

مهدی قلی احمدزاده


برچسب‌ها: مهدی قلی احمدزاده
+ نوشته شده در  پنجشنبه ۱۶ اسفند ۱۴۰۳ساعت   توسط حاج محمد محمد قاسمی  |