|
زینب گلور امّا ؟ زینب گلور امّا باشینا قاره سالوبدی زینب گلور امّا اورگین غملر آلوبدی زینب گلور امّا ایله بیل چوخ قوجالوبدی هر دم وئرور اللهی قسم صبرِ حسینه جان چیخمیا سالم یتیشه قبرِ حسینه زینب گلور امّا هله بیر کلمه دانیشمور قارداشسیز اونا دنیا بهشت اولسا یاپیشمور مدتدی کوسوب نهر فراتیله باریشمور حسرتله سووا خیره لنور نیمه نگاهی سسلور آنامون اوغلی سوسوز ئولدی الهی زینب گلور امّا اوجالور ناله دلیندن زینب گلور امّا یاپشوب فضّه الیندن مشکل قدم آتسین الینی چکسه بئلیندن الله بو خانم هر یره گیتدی گیجه گیتدی تندیس حیا شمریله شامه نجه گیتدی زینب گلور امّا ائله بیل چوخ سوزی واردی زهرا قیزیدی قبر حسینده گوزی واردی هر یرده که زینب اولا زهرا اوزی واردی سسلور الیمی دوت آنا دل درده گلوبدی قبری منه گورست گوزیمه پرده گلوبدی زینب گلور امّا او یانان دلده شرر وار قلبینده حسینه دئمه لی خاطره لر وار قیمتلی نچه بوخچادا سوغات سفر وار سوغاتی باسوب سینیه جان تک گتوروبدی بی غسل و کفن یوسفه ،کوینک گتوروبدی زینب گلور اشگی توکولور گوز بولاقیندان گلدیقجا ورور بوسه ملکلر ایاقیندان افسوس رقیّه سَسی گلمور قوجاقیندان آغلور دیور ایوای عجب زنده دی زینب قارداشدان ابوالفضل کیمی شرمنده دی زینب زینب گلور امّا دولانوب قلبی کبابه اصغر غمی قویمور باخا بیر موجیلی آبه دردین دیه بیلسه چاتاجاق نوبه ربابه یا فاطمه قلبینده ربابین سوزی چوخدی ایستور چکه نازین دیه لای لای بالا یوخدی اصغر غمی الله نه حالا سالدی آناسین یاددان چخادا بیلمدی عمریجه یاراسین رؤیاده ده حتی گوره بیلموردی بالاسین آخر بو فلک زینبه چوخ گوردی ربابی زهرایه قسم آیریلیق ئولدوردی ربابی (ولی اله کلامی ) برچسبها: ولی اله کلامی
+ نوشته شده در پنجشنبه ۱۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
