|
نوحه حضرت حسین(ع) به حضرت علی اکبر(ع) ای قانه باتان ظلمیله مه پیکریم اکبر قربان یارالی پیکریوه گوزلریم اکبر زلفون داغلیوب قانه باتوب دسته به دسته چوخ یاره دگوب خنجر ایدوب جانوی خسته بی غسل قالوب گول بدنون قوملارون اوسته بو گوزدن آخان اشگیله غسلین ویریم اکبر قانون قوریوب یاره لرونده کوله اوخشار اوخلار قیزاروب قانویلن سنبله اوخشار ذیحقّ دی لیلا سنی بو نوعیله اوخشار ناکامیم اوغول صورت پیغمبریم اکبر گون شعشعه سی یاره لی سینونده نمایان یاروندن آخان قان کیمی قلبیمدن آخار قان ئولمز نیه بس نعشوی لیلا گورر عریان گون یاندیری قوی نعشوه زلفیم سریم اکبر گَتدوم سنی نه زحمتیلن حدَ و کماله طوی ایلمدیم تا یته سن سنده وصاله حاشا بو سر آمد بالا گلمزدی خیاله قالدی اورگیمده هامی نسگلریم اکبر داغون چکیلوب سینمه ای شبه پیمبر وقتیکه ویروب منقذ دون باشیوه خنجر بو نکته نی درک ایتسه جوان اوغلی ئولن لر قانونله محنّادی بو گیسولریم اکبر شیرین دیلیلن سن چاغروردون آنا لیلا هر کلموه جان سوئله میشم ای قد رعنا گوز یاشیمیلن یاروه گر اولسا مداوا هر یاروه مین قطره دی اشگ تریم اکبر ****** برچسبها: محسن محمدی هشترودی ناطق
+ نوشته شده در پنجشنبه ۱۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
