|
زبانحال خانم لیلا به شاهزاده اعظم ای عزیز جانیم – نو نهالیم اکبر رشتة امیدیم – ایده آلیم اکبر سن شبیه طاهاسن، نور چشم لیلا سن مه جمالیم اکبر ، مه جمالیم اکبر حیف اولا بو قدّه - بو خط و بو خاله بو گوزل جماله - بو شیرین مقاله سن بوگون یترسن– گون کیمی زواله من قرا گونه قاللام،باشیمه قرا ساللام مه جمالیم اکبر ، مه جمالیم اکبر گیت کومکلیق ایله– تک قالوب شهنشاه ویر باشون جدایه – قربتاً الی الله فرقتونده لیلا – یاش توکوب چکر آه گیت بو قانلی میدانه لاله تک بویان قانه مه جمالیم اکبر ، مه جمالیم اکبر ای علی شجاعت – مصطفی شمایل ایمدی که اولوبسان – بزم یاره مایل قوی ایدوم قولیمی – بینوا حمایل زلفوه وروم شانه- تاپشوروم بو قرآنه مه جمالیم اکبر ، مه جمالیم اکبر من سنون غمینده - گلمرم نوایه شاه کربلادن – ایتمرم گلایه شام یولاریندا – باخمارام جدایه هرغمه دایاننام من– چوللری دولاننام من مه جمالیم اکبر ، مه جمالیم اکبر سنکه دین یولوندا – ئولماقا رضا سن بو منای عشقه – بیر گوزل فدا سن جان ویرنده عطشان– ایت منی دعا سن بلکه خالق عادل– صبریمی ایده کامل مه جمالیم اکبر ، مه جمالیم اکبر هجریوه دوزنمز – بینوا رقیّه هر دقیقه سسلر – وا اخا رقیّه سندن اوتری ایلر – جان فدا رقیّه آدیوی ایدر ازبر– جان ویرن زمان سسلر مه جمالیم اکبر ، مه جمالیم اکبر غم گونی آتایه – یار اولار جوانی قویما تک بو چولده – شاه کربلانی قوی دالونجا لیلا – باشلاسین فغانی باخما شور و غوغایه – یانما حال لیلایه مه جمالیم اکبر ، مه جمالیم اکبر گیت اگرچه گیتسون– من عزالی قالّام آغلارام ئولونجه – باشه قاره سالّام فاطمه یانندا – فخر ایدوب اوجالّام ثابتم سوزوم اوسته– گیت اوغول گوزوم اوسته مه جمالیم اکبر ، مه جمالیم اکبر سن علی شبیه – خاتم رسل سن آل مصطفانین – گلشنینده گول سن گیت منه بو چولده سن قالان دگولسن سسلرم ایوون آباد گیت هر آنچه باداباد مه جمالیم اکبر ، مه جمالیم اکبر دوتمادیم سنه طوی – یتمدون مرامه دوندی هر امیدیم – یأسه کربلاده بو ایشین قصوری – یوخ بو بینواده بیله ایستیوب دوران یاخ حنا اله قاندان مه جمالیم اکبر ، مه جمالیم اکبر گیت یتور تمامه – امتحانون اکبر قوی یاخوم جماله – مندن قانئن اکبر قوی((کریمی)) اولسون نوحه خوانون اکبر کربلا دیسون یانسون محنتونده اودلانسون مه جمالیم اکبر ، مه جمالیم اکبر برچسبها: حسین کریمی مراغه ای
+ نوشته شده در پنجشنبه ۱۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
