|
نوحه حضرت علی اکبر(ع) خیمهنی سیلمیشم،زینَتین وئرمیشم، فرش دییر معجریم گل اکبریم اکبریم گل سن گلن یوللارا ، ائیلرم من فدا ، آغلایان گوزلریم گل اکبریم اکبریم گل ***** شیشهیه بنزهییر ، باخماسان تئز سینار، بیر نگاهیله قلبیم امن ده ساخلا اوغلوم ای صنوبر قدیم ، سایه سال باشیمه ، مادرِ بیپناهون لطفیله یوخلا اوغلوم گل وئریم زینهتین، یوللاریم عرصیه ، تیرِ مژگانین ایله دشمنی اوخلا اوغلوم زلفووه دوشسه کج،شانه بخش ائت منی،تیترهییر اللریم گل اکبریم اکبریم گل **** وصل معبوده سن ، باغلایوبسان کمر، من نئجه مانع اوللام عشق سوداسی دیر بو عامل حکم سن ، امره مأمورسن ، روز ِ قالو بلاده عهدین امضاسی دیر بو حقّ رضا دیر اونا من رضایم بالا ، جانی وئرمک گرهکدیر دین دعواسی دیر بو حضرت ِ فاطمه محضرینه آپار ، تُحفه نسگیللریم گل اکبریم اکبریم گل **** آسلانبدور اورهک قاشلارون طاقینه، من غریبی سالیبدور قاره زلفون کمنده ایندی صیّادلر ، گوزلهییرلر سنی ، دامِ ظلمه دوشر سن زرمگاهه گلنده روزگاریم دونر ، اوْندا بر پا اولور، خیمه ده محشریم گل اکبریم اکبریم گل **** ای شکوفته گولوم ، کاکُلِ سُنبولوم ، توش اولور بو طراوت حیف بادِ خزانه غمزة بُلبُلوم ، چوخ پریشان دیلیم، وئر تسلّایِ هجران مادرِ مهربانه گورموسن متّصل، بیزدن اوتری بوگون،آیریلیق تیری قویموش دستِ دوران کمانه جاری ائتسین سنین، قانین ایله منیم،گوزدن اشگِ تریم گل اکبریم اکبریم گل **** منزلیم مسکنیم، بیر همین خیمه دیر، تیره ائتمیش گوزومده چکدیگیم دودِ آهیم فرصتین وار اگر، گلمگه مختصر ، تاکی اولسون چراغان صفحة خیمهگاهیم سن بیلورسن اوغول، غرقِ بحرِِ غمم ، ائیلیوب روزگار قاره بختِ سیاهیم برجِ اقبالیمی نوره باران ائله ، ای مهِ انوریم گل اکبریم اکبریم گل **** (عباسقلی یحیوی اردبیلی ) برچسبها: عباسقلی یحیوی اردبیلی
+ نوشته شده در پنجشنبه ۱۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
