|
زبانحال حضرت رباب(س) دلسیز قوناقیم اصغریم ایوای بالام ایوای لاله سیاقیم اصغریم ایوای بالام ایوای گلچین قضا آلدی الیمدن سنی سئچدی کیم بیلدی ربابین قالان عمری نجه گئچدی بش گون فلکین خوش گونی وار آخری هئچدی سُؤندی چراغیم اصغریم ایوای بالام ایوای باتدون قانا سن خوردا چاقیندا ائوین آباد یات ایندی حسینون قوجاقیندا ائوین آباد قوی من اتوروم گون قباقیندا ائوین آباد بو غملی چاقیم اصغریم ایوای بالام ایوای آیریلماز اوغول هیچ آنا بیر لحظه بالادن مدّتدی گئچور واقعة یوم بلادن قیرخوندا فلک قؤدی منی کرب و بلادن دوت بیر سراغیم اصغریم ایوای بالام ایوای گیتدی ثمر قلب رباب ئوزگیه چاتدی صرّافین الیندن دُر ناب ئوزگیه چاتدی گُل بسله دیم آخرده گلاب ئوزگیه چاتدی وار دلده داغیم اصغریم ایوای بالام ایوای تک باشیمه بیر هیئتَم اشک بصریم وار قورتولسا اگر گوز یاشی خون جگریم وار گل بیر قولاق آس گور نه گوزل نوحه لریم وار آرخام دایاقیم اصغریم ایوای بالام ایوای من آغلارام احوالیمه یولدان گیچن آغلار گیتسم چمنه غنچه گل آغلار چمن آغلار ئولسم بالا قاره گونومه آغ کفن آغلار بوشدور قوجاقیم اصغریم ایوای بالام ایوای گلسن یوخوما گل بالا گوز یولدا قالوبدی امّا یوزومه باخما که رنگیم قارالوبدی باخسان تانیمازسان آنان ئولسون قوجالوبدی پوزدون تفاقیم اصغریم ایوای بالام ایوای ****** حاج ولی اله کلامی برچسبها: ولی اله کلامی
+ نوشته شده در پنجشنبه ۱۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
