|
زبانحال حضرت رباب(س) عفو ایله علی الده یوخ امکانی ربابون آغلار گوزه قربان یورولان جانی ربابون آی باغ حیاتیمده آچان نرگس خوشرنگ اقبالیمون عرشینده گزن مرغ شباهنگ ویرما قوریان دوشلریمه حسرتیلن چنگ سو ایچمسه دولماز صوده پستانی ربابون آیدین گونُموز شامه دونوب دست خطادن مشکلدی بالا جان قوتاراق دام بلادن گُل لبلروی سوز عطش سالدی نمادن ایکاش اوغول عمری اولا فانی ربابون تاب ایله بیر آز تایره محنته اوغلوم توکمه بو قدر اشکوی مه صورته اوغلوم سو ایچمگمیز قالدی بیزیم قسمته اوغلوم اقبالی یاتوب تیره دی دورانی ربابون دردوندن علی مجمر سینمده شرر وار چوخ غم یمه دیلسزلرون آهنده اثر وار هر بیر شب ظلمانیه آخرده سحر وار شاید سحر آچسا اولا درمانی ربابون بختیم مدد ایتسه تاپارام غصه دن ایمن سنده سو ایچرسن قوتارار ناله و شیون اما باخشوندان بیلورم بو گئجه لیک سن قربان او گوزه دیده گریانی ربابون ایکاش علی غنچه عمرون گل اولیدی سننون یاریدان باشه چاتیدی ایل اولیدی منده صود اوغول سنده ده دل اولیدی غم چنگینه دوشمیدی گریبانی ربابون افسوس ضیا قالمادی اقبال اوجاقمدا یاندی اریدی شمع حیاتیم قوجاقیمدا ایکاش ایمکلیدون اقلا قاباقمدا توکمیدی یوزه اشکینی مژگانی ربابون قویسیدی امکدن گوره سن فایده دوران آچسیدون ایاق یول یریسیدون بالا الان آتدوقجا قدم منده دیردیم سنه جان جان اولمازدی بیله آرزودا نقصانی ربابون افسوس فلک سالدی خزان صحن بهاره قان آغلاماقون تشنه لیگوندندی اشاره ئولسون ننون اوغلوم تاپابیلمور سنه چاره سونمه هله ای شمع شبستانی ربابون (سیفی اردبیلی) برچسبها: سید تقی سیفی اردبیلی
+ نوشته شده در پنجشنبه ۱۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
