|
کربلای حسینی یاران قیامت اولدی ، میدانی کربلاده ئولدوردولر حسینی ، عطشانی کربلاده فتحی ندیر بو سّرین ، خلقی قویوبدی حیران ذی حجه نین اونوندا، هر ایل کسللر قربان بولمه م آغام حسینین، فکری نه دور عزیزان یکسر اونون کسیلدی ، قربانی کربلاده آیریلدی قارداشیندان ، یاران بلالی زینب بی کس لره پرستار ، اولدی وفالی زینب قالدی داخی ئولونجه ، باغری یارالی زینب آلمیشدی قلبه زخمِ ، سوزاني کربلاده یاران همان حسیندور ، هردم چکنده آهی تیتردی عرش و کرسی غملردی مهر و ماهی مظلوم بیر امامین ، بیلمم ندور گناهی کیم قتلینه یازوبلار ، فرمانی کربلاده راوی دیر باخیردم، گوردوم داغیلدی لشگر گرد و غبار ایچینده ، چیخدی او شمر کافر بیر الده بیر کسیک باش، بیر الده قانلی خنجر القانینه بویانمیش ، دامانی کربلاده آلدوم خبر کی یا شمر ، آیا نه ماجرادی بو قانلی باش نه باشدی، یا هانچی بینوادی قیلدی اشاره رمزن ، بو شاه کربلادی ئولدورموشم توکولسون ، القانی کربلاده قان آغلیون عزیزان ، ئولدی شه مدینه اولدی اسیر عیالی ، او مه نشین کوفه اولدی یتیم و نالان، قالدی بوگون سکینه بابا دیر مدامان ، میدان کربلاده برچسبها: ولی اله کلامی
+ نوشته شده در جمعه ۱۷ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
