|
نوحه رباب به حضرت علی اصغر(ع) سوسوزلوقدان باغری قان بالا لای لای اصغریم لای لای گیجه گوندوز یاتمیان بالا لای لای اصغریم لای لای ایشیدمیشم سو یرینه سن ایچموسن قزل قانی چوخ اینجدوب حرمله سنی ویرجاقین او پیکانی بیله ناله ایلرم علی داغلارام بو دنیانی جهاندا دل آچمیان بالا لای لای اصغریم لای لای گیجه گوندوز یاتمادون علی سوزش حرارتدن سوسوزلوقون آتشی سنی سالدی تاب و طاقتدن آنون ندن ئولمدی اوغول چکدیگی خجالتدن سوسوز بالا ناتوان بالا لای لای اصغریم لای لای بو فکریله یوللارام سنی عرصیه من نالان باخوب سنه رحم ایلیه بلکه سو ویره عدوان سو ویرمدی حرمله سنه ویردی حلقوه پیکان سنون سویون اولدی قان بالا لای لای اصغریم لای لای آنون اولسون اولمادی سنه بیرجه شربه سو قسمت سو یولّارین ایندی آچدیلار یوخ سو ایچمگه منّت سو ایچمشم دوشلریمه صود گلدی چوخ ویرور زحمت گل ایچ صوددن یا سودان بالا لای لای اصغریم لای لای غمون علی سوز آهیله داغلو قلبمه یازدوم دیسیدیلر بو مصیبتی من بالا اینانمازدوم ديلون اولسیدی دانشماقا من بو قدری یانمازدوم بودور منی یاندوران بالا لای لای اصغریم لای لای اگر ویره قاتلون علی گاهواروی آللام اونون اوسته بو پراکنده زلفمی آچوب ساللام گیجه گوندوز صبحه تک بالا یاتمارام اویاق قاللام اولدی وردیم هر زمان بالا لای لای اصغریم لای لای گون ایستی سینده گونوزلری ایلرم علی مأوا گیجه لری راحت اولمارام یاتمارام بالا اصلا سیزلدارام تا فغانمه نالیه گلور دنیا گل اول منه هم زبان بالا لای لای اصغریم لای لای ****** یحیوی برچسبها: عباسقلی یحیوی اردبیلی
+ نوشته شده در سه شنبه ۱۴ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
