|
سلام زیارت شهدا و اسرای کربلا تشنه سو کنارینده لبلره سلام اولسون قانه غرق اولان باشسیز پیکره سلام اولسون تربت مقدس که کیمیادن آرتوقدور قبه منوّر که نه سمادن آرتوقدور بقعه مطهر که هر بنادن آرتوقدور اوندا دفن اولان شاه بی سره سلام اولسون روحی روح الارواحه جسمی روح ذیروحه سینه که خدنگیله خنجریله مشروحه صورت خون آلوده سجده گاه مجروحه هم یدان مقطوعه هم قفای مذبوحه لخته لخته قان دولموش گوزلره سلام اولسون کامل سمن سایه قامت دلآرایه شب چراغ مظلومان نور چشم زهرایه گوهر شب افروز و اهل بیت طاهایه طاقت دل زینب نوجوان لیلایه قطعه قطعه دوغرانمیش اکبره سلام اولسون گلعذار زیبایه سرو قد رعنایه ابروان قوسینه دیده های شهلایه قانیلن اولان الوان زلف عنبر آسایه آتلارون ایاقینده پاره پاره اعضایه قان حنا خضاب ایتمیش اللره سلام اولسون طفل بی زبانیکه گول کیمی صولوب یاندی اوچ گیجه گونوز عطشان دل دوداقی اودلاندی ظهر یوم عاشورا سو یانیندا اوخلاندی شهپر آچدی پیکاندان قوش کیمی قنادلاندی شاهباز خونین پر اصغره سلام اولسون بیر جوان که منصبده کربلا علمداری خون سرخیله رنگین بیدق نگونساری قویدی قان سووا قیمت مشگی اولدی گلناری سو یولوندا سعی ایتدی تا کسیلدی قوللاری صاحب دو بازوی احمره سلام اولسون شدّت سوسوز لقدان اودلانان دوداقلاره آت دوشونده قاچماقدان زخمدار ایاقلاره شامیده قرانلوقدا آج یاتان اوشاقلاره بیرده ام کلثومه زینب دل افکاره دختران خواتون محشره سلام اولسون خواهر علی اکبر قالدی بیت الاحزاندا یوخ چراغی یوخ فرشی بیر خرابه زنداندا تپراق اوسته جان ویردی اولدی کافرستاندا کفنی بیر قرا معجر دفنی کنج ویراندا اول سکینه محنت پروره سلام اولسون سیدالعبادی که بسته طناب اولدی شهرلرده حقنده ظلم بی حساب اولدی پیشوای اسلامه خارجی خطاب اولدی آتش شماتتده خاطری کباب اولدی اول مریض دلخسته سروره سلام اولسون کوفه ده عقیل اوغلی مسلم وفاداره مالک اوغلی ابراهیم جان نثار مختاره ابن عوسجه مسلم هم حبیب سر داره شاه راه ایماندا جانویرن جوانلاره طفل و پیر و برنایه یکسره سلام اولسون (( یحیوی )) الون یئتسه ، گنبد طلا پوشه بحر لطف مولانی آهیلن گتور جوشه اخذ قیل او درگهدن هر ایکی ایوه توشه احتراماً عرض ایله پیش قبر ششگوشه محضر همایون انوره سلام اولسون برچسبها: عباسقلی یحیوی اردبیلی
+ نوشته شده در جمعه ۱۷ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
