|
زبانحال حضرت زینب(س) درکناربدن امام حسین(ع) دشمنه اسیر اولموشام حسین ، قتلگاهیدن کاروان گئدیر یوخدی بیر نفر دفن ائدن سنی،کوفیه باجین باغری قان گئدیر ایندی چوخ پریشاندی زینبین قتلگاهدا نالاندی زینبین قوم اشقیا ظلم ائدیب سنه ، اوخلانیب علی اصغرین حسین ئولدوروبلر اولاد حیدری ، تشنه جان وئریب اکبرین حسین دین یولوندا قانه بویانمیسان ، دوغرانیبدی گُل پیکرین حسین آغلاشیر بو چولده حرملرین ، قاتلین سنین شادمان گئدیر ایندی چوخ پریشاندی زینبین قتلگاهدا نالاندی زینبین دفن ائدوبدی دشمن ئولنلرین ، کوچ ائدیر بو یئردن گروه کین توپراق اوسته دور پیکرین سنین ، وار یئری یانا قلبِ اهل دین بیر بئله مصیبت کی گورموشم ، دنیادا زیاد قالمارام یقین سعدین اوغلی چوخ شاد اولوب بوگون، شهرکوفیه کامران گئدیر ایندی چوخ پریشاندی زینبین قتلگاهدا نالاندی زینبین کوفه اهلی چوخ ظلم ائدیب سنه ، دشمنین منافق رجال اولوب آت چاپیپدیلار قتلگاهیده ، پیکرون حسین پایمال اولوب زینبین قوتارماز مصیبتی ، غملریم منیم بی زوال اولوب من باخاندا بو قانلی پیکره ، دل یانیر قوا و توان گئدیر ایندی چوخ پریشاندی زینبین قتلگاهدا نالاندی زینبین پایمال اولوب جسم اطهرین ، توپراقیلا یکساندی پیکرین کربلاده چوخ اوخ دیوب سنه ، قان ایچینده غلطاندی پیکرین غارت ائیلیوب لر لباسیوی ، توپراق اوسته عریاندی پیکرین اهل بیت پیغمبر آغلاشور ، چوخ ملالیلن بانوان گئدیر ایندی چوخ پریشاندی زینبین قتلگاهدا نالاندی زینبین گورموسن حسین سن بو دنیادا ، کوفه نین رجالیندا یوخ وفا اهل مکر ایله جنگ ائدیب أوزون، اولموسان ذبیحأ من القفا کوفه اهلی نین اشقیالری ، اهل بیته چوخ ائیله ییب جفا زینبین اسیر اولدی دشمنه ، وار ئورکده درد نهان گئدیر ایندی چوخ پریشاندی زینبین قتلگاهدا نالاندی زینبین رسمیدور شهدین بو دنیادا ، قانلی جامه سیندن اولار کفن قالماییب بدنده لباسیلارین ، غارته گئدیب کهنه پیرهن آغلاییر باجین بو مصیبته ، تپراق اوسته عریاندی گول بدن دفن ائدنمه دیم قانلی پیکرین ، کوفیه باجین باغری قان گئدیر ایندی چوخ پریشاندی زینبین قتلگاهدا نالاندی زینبین ئولدوروبدی پیغمبر اوغلونی ، کوفه نین منافق جماعتی اهل بیته برپا ائدیب بولار ، کربلاده روز قیامتی قورخودوب پیمبر اوشاقلارین ، کوفه اهلی نین قتل و غارتی چوللره سالیبلار عیالینی ، اؤز دیارینه کوفیان گئدیر ایندی چوخ پریشاندی زینبین قتلگاهدا نالاندی زینبین ((هادی)) یاز حسینین مصیبتین ، اهل بیتیلن اول شریک غم قارداشیم ابوالفضلی سال یادا ، تشنه جان وئریب صاحب علم یاز حسینه بیرده بو مطلبی ، سن کی اولموسان صاحب قلم زینب عازم شهر کوفه دی ، لیک دلده آه و فغان گئدیر ایندی چوخ پریشاندی زینبین قتلگاهدا نالاندی زینبین (هادی سلطانی محمدی) برچسبها: هادی سلطان محمدی
+ نوشته شده در جمعه ۱۷ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
