|
نوحه اربعین زبانحال زینب کبری(س) قانیوین هر قطره سین دریا ائدیب گلدیم حسین روز و شب حق اوسته من غوغا ائدیب گلدیم حسین باشیمین بیر بیر بلاسین نقل ائدم گلمز سانا سوز آچام گر شمریدن واردیر یئری عالم یانا خارجی آدی قویوردی بیز گئدیردیک هر یانا منده شمری عاقبت رسوا ائدیب گلدیم حسین شامه بیز وارد اولاندا چوخ شماتت ائتدیلر بعضیلر کف چالدیلار بعضی اهانت ائتدیلر ساخلاماز قلبیم مرحم ائیله جراحت ائتدیلر شامین اهلی حدّیسیز ایذا ائدیب گلدیم حسین جشن اوچون مجلس وئریب تشکیل یزیدِ بیحیا چوخلی کشوردن ائدیب دعوت او شهره سُفرا دئدی لازیمدی گله مجلسه فوراً اُسرا منده عیشین محشر کبری ائدیب گلدیم حسین ایسته دی مجلس آرا تا خطبه ایراد ائیله سین سویله سین یوزمین یالان حُضّاری دلشاد ائیله سین قویمادیم منده او ظالم حقی بر باد ائیله سین قانیوی مجلس آرا احیا ائدیب گلدیم حسین من که صحبت ائیله دیم چوخ قلبیلر داغلادیلار بیز کیمین اولادیییک مجلسده جمله قاندیلار هرج و مرج اولدی او مجلس چوخلاری قاوزاندیلار حقی ثابت مردم دنیا ائدیب گلدیم حسین منکه شادم سنده شاد اول قانیمه قان ائیلدیم هر یئره گئتدیم او یئرده حقّی اعلان ائیلدیم خوفه سالدیم من یزیدی خانه ویران ائیله دیم قانیوی تا حشره تین بر پا ائدیب گلدیم حسین آغلاماقدان دوزدیکه مثل آنام پیر اولموشام فخریدیر زهرا کیمی حق اوسته دلگیر اولموشام حقی دل شاد ائتمیشم ناحقّه شمشیر اولموشام قانیویله حقّی من امضاء ائدیب گلدیم حسین باشیمین بیر گون بلاسین (( آذری)) باشدان یازار ائیلیه ر احوالیما هر روز و شب افغان یازار ایستییر هر دردینه بیزدن حسین درمان یازار سویلییه ر جانی سیزه شیدا ائدیب گلدیم حسین ****** برچسبها: غلامعلی آذری
+ نوشته شده در جمعه ۱۷ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
