|
حضرت زینب درزیارت قبر امام حسین(ع) داغدار ائتدی حسین ! پوزغون مزارون زینبی آتش عشقه سالیب ، صبر و قرارون زینبی غم قوجالدیبدیر منی ائیلیبدی گریان قارداشیم! گؤز یاشیملا بیر آخیرگوزلرده کی قان قارداشیم! چوخ مصیبتله یئتیشدیم قبریوه ، جان قارداشیم! ائیله دی نیسگیل داغی محزون غبارون زینبی سؤیله ییم آخیر سنه من هانسی بیر فرجامدن؟! کوفه دن یا دیر راهیب دن یا راه شامدن؟! گل دئییم بیر قورخولی ویرانه قالمیش دامدن گؤ ر نئجه سوزان ائدیبدیر طفل زارون زینبی! باغریما اود سالدی هجران، قانه دولدی شامده غصّه دن بیر نوگُلون آج یاتدی سولدی شامده هیچ سوروشمورسان رقیّه ن پس نه اولدی شامده جان وئریب یاندیردی نازلی یادگارون زینبی محبس اولدی روحیمه او مُلک شامی قارداشیم! شرمسارم کی دییه م من چوخ کلامی قارداشیم! اکتفا ایت بو سؤزه آل بو سلامی قارداشیم یاندیریب یاخدی خلاصه روزگارون زینبی قالمادیق ساکت ولی پوزقونلو بیر آمالده عرصه نی دار ائیله دیک ظُلمه خروشان حالده فرصتی دشمن دن آلدیق ، وقت قیل و قالده صبره تسلیم اولدی چون دوتدی وقارون زینبی ائیله دیک رسوا یزیدی شامده سجّاد ایله ناگران اولما کی جنگیم وار گئنه بیداد ایله هاشمی بلبوللری قویمام گزه صیّاد ایله عارف فاضل ائدیب عطر بهارون زینبی خطبه میز یارمیشدی دشمن باغرینی شمشیر تک گوز یاشی آنجاق سلاح اولموشدی کسکین تیر تک روبهان کوفه و شامی ووروردوق شیر تک ائیله دی سؤزلر دَنیزی اقتدارون زینبی باخما معناده بئله نیسگیللی محزون هیئته دولموشام اللهه آند اولسون سراسر حیرته یئندیریب جانون تکان وئر قلب شاه امته گور نه حاله سالدی قانلی لاله زارون زینبی! اولموشام افسرده هجرانیندان ای دریای داد گل دعا ائیله بو تئزلیکله آچیم وصله قاناد قالماییم دنیاده گورموم بیر بیله جور و فساد ائیله دی مفتون او راز آشکارون زینبی دنیانین باغرین گرک بو کربلاده داغلییام نیسگیلین چوخدور یئری وار هرنه قدری آغلییام قالمادی فرصت منه قارداش ! یاراوی باغلییام غرق ماتم ایتدی حزن بیشمارون زینبی قوی غریبلیکلرده یانسین قربانون اولسون باجون چیرپینان قلبی دایانسین قربانون اولسون باجون باشیوه پیدر دولانسون قربانون اولسون باجون اودلادی دنیاده چشم اشکبارون زینبی روحیوی قیترماقا بیر یول چالیش منله حسین آیریلیقلار آتشینده دور آلیش منله حسین! دلشکسته قالمیشام گل بیر دانیش منله حسین! الامان ائیلیبدی حال انتظارون زینبی اَللری قوینوندا باخ گور نه نوا ائیلور رباب! سینه داغین غملی حالدا برملا ائیلور رباب ایسته ییر دردین دئسین اما حیا ائیلور رباب اودلادی بو همسر بی اختیارین زینبی ناز بالاسین وئر آنا بیر آرزویا چاتسون حسین! باغرینا باسدیقجا بیر بیرغملرین آتسون حسین! اصغرین راحتدی راحتتر ولی یاتسون حسین! یاندیریب یاخدی عجب دیلسیز هزارون زینبی من دئییم یالقیز بالاندا ، سنده اکبردن بویور! من دئییم نازلی رقیّه ندن، سن اصغردن بویور من دئییم یاسدان، سن عباسِ دلاوردن بویور! قارداشیم! چوخ یاندیریبدی روزگارون زینبی! ئولمه ییبسن آمما سن ای عارف عالی مرام حق یولوندا ئولمز هئچ بیر شخص مخصوصاً امام بو آخان گوز یاشی اولموش آیریلیقدان ، وَالسلام عزّته مالیک ائدیب پروردگارون زینبی (ابوالفضل عظیمی برچسبها: ابوالفضل عظیمی
+ نوشته شده در جمعه ۱۷ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
