|
زبانحال ام البنین(س) در مدینه سر لشگر و صاحب عَلم عباسیم ئولوبدی قوللاری اولوبدی قلم عباسیم ئولوبدی دوزمزدی علینون ایگید اوغلانلاری ننگه علّت اودی عزم ایلدیر گینمگه جنگه آماج اولالار دین حق اوستونده خدنگه سالدیم یولا بیگانه مثالینده وطندن بلکه خانمم فاطمه راضی اولا مندن شیر اوغلی اگر دوز صود امه حتماً اولار شیر شیر اولماسا شیر اوغلی آنا سیندادی تقصیر دورد شیره ویروب شیر ایلدیم تیغة شمشیر فخریم بودی کی مادر قربانی دینم زهرا خانمون کلفتیم ام البنینم سوز یوخدی کی هر تک تکی مرد جدلیدی هر دوردی ده فرزند نکو فال علیدی دوزدور هره سی بیر بیریسیندن گوزلیدی هر سنگ بلورین نجه الماس اولا بیلمز مین اوغلوم اولا هیچ بیری عبّاس اولا بیلمز عباس نه عباس جوانمرد و برومند قدّی اوجا گوزلر ایری ابرولری پیوند سیز هر لبینه لعل دیون منده دیوم قند من هیچ دیمورم جاهد والا نسبیدی کلفت بالاسیدی ولی چوخ با ادبیدی بنذردی علی شانه سینه شانه لریندن آز دور نه دیسم نرکس مستانه لریندن منده بیریم عشقلی پروانه لریندن الله ئوزی شاهددی کی خشمین اوتانیدی دردی اولان اشخاصین الیندن دوتانیدی چوخ یاره دگر عرصه ده سربازه سوزوم یوخ میداندا دیوللر توخانوبدور اونا بیر اوخ هر اوخشامادا زینب اونی یاد ایلیر چوخ گویا ئوزی پیکانی چکوبدور یاراسیندان ایکاش بیلوردوم کی دگوبدور هاراسیندان قارداش غمی صغرایه اوقدر اولدی غم افزا بیر نامه یازیب سالدی یولا محض تسلا ایکاش یازان وقتیده نامه اونا صغرا یا ئوز الیمیلن ئوزیمه قبر قازیدیم یا منده ابوالفضلیمه بیر نامه یازیدیم اوّلده یازاردیم ننه قربانون ابوالفضل چوخداندی سونوب شمع شبستانیم ابوالفضل اگدی بِلیمی سختی هجرانون ابوالفضل فکر ایلمه هجرانون اولوبدی منه آسان دردون اریدیب جسمیمی گورسون تانیمازسان هر یرده سوز اوغلوم سیزه فتح و ظفر اولسون دشمنلروزون نقشه لری بی ثمر اولسون گوسون بیری ایستورکی حسینه خطر اولسون عشقین سَندین بار دگر معتبر ایله آچ سینوی سن اوردا حسینه سپر ایله یاتسا باشی اوستونده ایاق قال سحر اولسون چون خوشدی کی گوندن صورا طالع قمراولسون قویما آنوین چکدیگی زحمت هدر اولسون سو ایستسه هر قیمته اولسا دیمه یوخدی ویر بیر گوزی آل، ایکی گوزدن بیری چوخدی شاید ده امان نامه گتیردی سنه دشمن محکم دایان اوغلوم دیه لر نفسوه احسن کیم قویسا اگر امر ستمگرده گردن مغضوب خدا دشمن گمراه علیدی عباس اگر اولسادا بد خواه علیدی قیتر او امان نامه نی پیمانوه خاطر پیمانوه ایمانوه قر آنوه خاطر آل چکمه حسیندن بالا ئوز جانوه خاطر تک قویما عزیز اوغلومی اعدا قاباقیندا سالما اشاقا باشیمی زهرا قاباقیندا سال یادوه امریة سلطان حُنینی زهرا بالاسین ساتما کی بوینوندادی دینی بیر وقت دیلیم لال اولا تک قویسون حسینی دشمن قاباقیندا ئورگیم باشینی دلمه مندن اشیت اوغلوم هارا گیتسون بورا گلمه افسوس خیال عالمی چوخ اولدی مطوّل یازسیدیم اگر نامه ابوالفضلیمه اوّل قالمازدیم الیم سینه ده محزون و معطّل هرکیم اشیدیب دردیمی غمدن جانا گلدی گیتسم هارا دیلر کی اوغولسوز آنا گلدی بیر نامه ولی یازمیشام اسرار نهاندور بیر نامه دی کی عشق سطورینده عیاندور گلبرگ اونون کاغذی دور جوهری قاندور مسمار کیمی قالبیمی هر سطری بولوبدی هر برگ گُله یازمیشام عباسیم ئولوبدی ****** حسین غفاری اردبیلی برچسبها: حسین غفاری اردبیلی
+ نوشته شده در جمعه ۱۷ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
