|
فرات رفتن شهزاده اکبر (ع) - شب عاشورا ( سبک : احوالیمیز یاماندی ) اخیامیده دیوللر اکبر گئدوب فراته لیلا دخیل اولوبدى حلاّل مشکلاته گؤردى علىِّ اکبر عطشاندى خوردا قیزلار الده سو جامى یکسر نالاندى خوردا قیزلار سوز عطشدن ای وای اودلاندى خوردا قیزلار اوولار ملر سوسوزدان افغان سالار فلاته تیغین چکوب دییردى اللَّهُ اکبر اکبر فتح ایلیوب فراتى شبه پیمبر اکبر دولدوردى مشک آبى لیلایه دلبر اکبر بلکه بیر آز گتورسون سو تشنه لب بَناته اى مرتضانین اوغلى شهزاده یا ابالفضل! منده دخیلووم بو مأواده یا اباالفضل بو معجرى قبول ائت چات داده یااباالفضل لیلانى بحر غمدن چک ساحل نجاته اکبر یوباندى قیزلار یول گوزلیور خِیمده سینه م یانوبدى قالدى بو اللریم سینه مده قویما یانام آماندى نار غمه بو غمده بیر آزدا چوخ یوبانسا نالم چیخار کراته اکبر بالام گلینجه من منتظر دایانّام اللّر اورک باشیندا اشک غمه بویانّام اخیامه گلسه سالم من باشینه دولانّام بو عهدیمى یئتورم عشقیله من ثباته صبر ائت دایان آز آغلا ، ای اکبرین آناسی! اولسون هامی جوانلار ، او اوغلوون فداسی آغلاتدی عرش و فرشی، باشینده کی یاراسی قانیله ویردی امضا ، پایانِ خاطراته بیر دردی وار (( بشیرین )) ، اکبرده دی دواسی وسعتلی ایستور اولسون ، بو نیّته ، سراسی برپا اولا هر ایلده مولا حسین عزاسی چاتسین عزاده بلکه سرچشمۀ حیاته ****** سید بشیر حسینی میانجی برچسبها: سید بشیر حسینی میانجی
+ نوشته شده در یکشنبه ۱۹ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
