|
درد دل با امام حسین (ع) اذن خدائیلن حسین بیرده گوز آچ جهانه باخ خامه یازان مصیبته حزنولی داستانه باخ باشیوی کسدی شمر گر خولی قویوب کل اوستونه لطف ایله بو زمانه ده طشتیله خیزرانه باخ اوندا یوخیدی اختلاس احتکار ایلین آقا کشور ایرانی چاپوب خارجه سن قاچانه باخ شمر سنین باشین کسیب هاردا ادیبدور اختلاس اما بو عصریده اوزون لطف ایله بیر سنانه باخ ارزاقی مردمی ووروب انبار احتکار ائدیب انبارین اوسته گل آقا بزم عزا قویانه باخ آننی داغلیوب چاپا مردمی یا حسین دئیور زالو کیمی بو مردومون قانلارینی سو یانه باخ هر نه قدر سویور سویور گوزلری دویموری ولی قارینی دویوندی اما سن گوزلری دویمو یانه باخ سن بوایکی اوزلی ملتی گورموسن اول گچن زمان ایندی بو عصریمزده گل سن آقا بی ایمانه باخ مهدی ظهوری ایستین کوفه لی چوخدی بو زمان قلبی یزیدیلن اولان نامه لری یازانه باخ یازدیلا چوخلی نامه لر اوندا سنه یازان کیمی اختلاس احتکار ائدیب عهدینی سیندیرانه باخ قانیوی توکدی گرعدو ایندیده چوخدی قان توکن پنبه کسن باشین قانین بی ثمنه ساتانه باخ عده ای واردی آج یاتور عده ای واردی کیف چکور نایلون اشکالی ییغیب عمرینی قورتارانه باخ سن دئدون اولماسا دینوز قو خمویون مرد اولون ولی فکری پلید وزور دینین غارتینه تالانه باخ خائنه باخ که سویلویور خادیمیزم بو ملته سورنا الینده ملتی رام ائله سین چالانه باخ صلح و صفا تاپولموری حاکم اولوب یزیدیان بین دُوَل زمانه ده جنگ و جدل سالانه باخ هابیلی قابیل ئولدویور آدم و حوا آغلایور هابیلی محکوم ایلیوب قابیله کف چالانه باخ حاج قاسمین مثالی یوخ ایندی بوعصریده اینان اون نفریله جسمینی توپراقا سن سالانه باخ موشگیله ترور ائدور اوز آدینی قویور بونا دقتیله عنایت ایت ابلیس بو زمانه باخ آل سعود اَللَشُور شیعه نی ایلسون فنا شیطانین اللرینده کی نوختویا باخ پالانه باخ امرینی مو به مو ائدیر اجرا سعودینین شاهی سن آخوروندا اوللارین یو نجویا باخ سامانه باخ یعقوب اوشاق لاری گینه ال آچوری جنایته چاهه سالولا یوسفی دلده اولان یالانه باخ یوسفی الله ایستسه مصریده سلطان ایلییر قدرت اوجادن ولی چوخلارینی سالانه باخ چرخ فلک اوتانموری حامی اولوب یزیدلره مقصد و مقصوده چاتان زوری اولان خوخانه باخ کسب ایدوری بیر عدّه وار شرعینی بولموری هله سن حلالی حرامیله مخلوط ائدیب قاتانه باخ مردمون ارزاقین وورار انباره آنی پینه لی اوّل صفده گل آقا سن نمازین قیلانه باخ بیع و شراده رسم اولوب آند ایچیلور ولی یالان آرشینا باخ ترازیه قیمته باخ قاپانه باخ یونگول آلور آغیر ساتور شرم خدادن ایله مور شمشیر الینده ملت ایرانی سن چاپانه باخ خلق آراسندا یوخ حجاب هر نه سویور ایدور عمل جنّت و حقّی بوشلایب نار جهیم آلانه باخ سویله سن اوت باشین دئیر بسکه ضعیفدی بینیشون قرآنی بوشلا گیت دئیر قصه یه باخ رمانه باخ دفن اولونوب حجاب الان بی حجابین زمانی دور بی حجابا دوروب ولی دقتیله باخانه باخ حفظ حجابه ایلدون دنیادا عالی انقلاب یر یوزونی دوتوب فساد بیزده اولان ایمانه باخ قارنینا خاطر عده ای واردی که هر نه ایش گورر باورین اولماسا آقا شهنازا - آب رسانه باخ وقت اذان ظهر و شام چوخلاری اوز ایشنده دی حاضر اولان نماز ایچون مسجده باخ اذانه باخ عد ه ای معدودی گلور ایندی نماز قیلماقا ملتین افکارین بوگون ظلم ایلیوب قاتانه باخ واردی یازام دیم سوزوی اما که سانسور ایلدیم یازما قا قدرت ایستوری فکرت نا توانه باخ ((یادگارام)) او ((عدلینین)) شعرینی تعقیب ایلدیم مشکلات حدیدن چخوب گردش بو جهانه باخ کر ب و بلانی ایستیور بو ایکی نوکرین سنین سن بول امیر لشگرین بوللارا عاشقانه باخ ****** حاج اصغر فرشچی (عدلی تبریزی) حاج محمد یادگاری برچسبها: اصغر فرشچی عدلی تبریزی
+ نوشته شده در یکشنبه ۱۹ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
