|
زبانحال زایران و خادمان اباعبدالله در زیارت اربعین و گریز به شهادت حضرت رقیه اربعین زائر یوخ حضرت ثاراللهه گئدیروخ نوکر دربست ابی عبداللهه فخریله خدمت ائداخ درگه شاهنشاهه دئیروخ باخ آقا جان بیزده دل بی تابه نقد جان بسلمیشوخ سن کیمی بیر اربابه خدمت ایتماق سیزه فرق ایلیری فرموللاریلان شانوز اعلی دی سیزین دنیوی مسؤللاریلان ایشلیروخ حضرتوزه تک تک سلوللاریلان هل اتی سوره سی قرآندا سیزین شأنیزده قدرت مطلقه لا یتناهی سیزده عاشقوخ بین حرم سینه ووروب آغلیاروخ سسلروخ ای وای حسین سینه میزی داغلیاروخ تاج عزتدی بو قاره که باشا باغلیاروخ نوکر خونجگروخ فخریدی نوکرلیقیمیز ظاهراً نوکروخ اما بودی سرور لیقیمیز کیم سنه خدمت ائده هر بیره مین لر وئره سن آغلیانلاریوه جنّتده ئوزون یئر وئره سن کرمون ویژه دی خادم لره بهتر وئره سن جاذبه ندن دی شهادت اولور احلی من عسل شمع جمعون ائدیب عالم لری پروانه مثل جان ویروبسن که قالا مکتب و قرآن زنده دین اسلام اولوب قانیویله پاینده ثابت ایتدون که حسینیله بو دین ایمنده بذل جان شهره دی سیزلرده من الیل مبیت ایندی ده هر نه سیزین الده دی یحیی و یمیت قدم آتدوقجا دوشور یادیمه چون زینب زار اودی که طول مسیر اکثر گوزلر آغلار هره بیر نیتیله اولموش اونا تعزیه دار بیری اکمیش اورگینده گل ایمان بذری بیرینین واردی هر ایل حضرت زینب نذری خیمه گاهه گئدر هر ایل ائلیه نذرین ادا ائوین آباد خانم چوخلار اولوب کامروا کامینه چاتمادی آیا ندن اول خیردا بالا عالم آغلار او سه ساله بالانین نیسگیلینه دویمادی اهل حرم غصه لی شیرین دیلینه اگلشردی در ویرانه ده اول نازلی بالا انتظاردان یورولاردی ولی گلمزدی بابا باشلیاردی گئجه نی صبحه کیمی اوخشاماغا ئوزی غملی سوزی غملی هامونی داغلاردی در و دیوار خرابه حالینا آغلاردی باشینه گاه دوشردی علی اصغر هوسی دیسگینیب گاه دیردی گلوری زجر سسی روحینه زجر وئریردی او گیجه خاطره سی آز زماندا او بالا دوشموشدی بیر حاله شمر الیندن ائله دی تا دم آخر ناله او بالا ئولدی اونون مدفنی ده اوردا قالوب ایندی قبریندن اونون پرچم اسلام اوجالوب او صفالی حرمی باغ جناندان باج آلوب باخ بو گون عبرتیلن سن رقم اللهه آج ئولن طفل یتوب حشمت گردون جاهه ایندی که چاتمیش الیم جود و کرم دامنیوه آند ویررم سنی اول غصّه لی پیراهنیوه یوم عاشورده کی خیمه ی پر شیونیوه انتهای کرمینله بیر عنایت ائده سن آغلیانلاریوه هر یرده شفاعت ائده سن گر چه شایاندی تخلص ولی ((شایان)) دگولم شانوزه لایق اولان پاک بیر انسان دگولم مور پستم که سزاوار سلیمان دگولم ولی سیز بیر نظره ذره نی خورشید ائده سیز گورمویوب چشم زمان کافری نومید ائده سیز ****** کربلایی رحیم شایان برچسبها: رحیم شایان
+ نوشته شده در یکشنبه ۱۹ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
