|
احوالات حضرت علی اصغر (ع) اصغرین آلدی حسین جدّی اوپن سینه سینه بیر نظر سالدی قالان باقی گنجینسینه اوپدی اوّلده یوزوندن بالانون تشنه آتا بالا اولمادی اوپه تا آتاسی کامه چاتا بالاسون گوردی ئولوم حالدا تلظی ایلیور اودیکی اهل حرم اشگین عذاره الیور آقا بو حالی گورنده سارالان رنگی سولوب او مبارک گوزی اشکیله چتین وقته دولوب یوز یوزه باخدی اوغول خیره لنوبدور گوزونه شبنمین قطره سی تک اشکی توکولدی یوزونه چوخ سوزون واردی علی ایتمه اشاره گوزلیم هرنه واریم یوخ اولوبدور اوزولوب الدن الیم قارداشیم پیر و جوانیم هامی القاندا یاتوب سنه سو قولی ویرن ماه فرات اوسته باتوب نینیم دشمن بی رحم منی دورلیوب توکولوب نهره طرف سو یولینی سد ایلیوب الغرض دوشدی حسین سرعتیله فوری یولا اوزی تشنه یارالی هم عطشیدی بو بالا گتدی میدانه سوسوز ماهیه بنذر بالانی اوغلوم عطشاندی بودور الده حسینون قالانی یوز دوتوب سمت سمایه دیدی ای رب جلیل گتدی اوز فدیه سینی قانلو منایه بو خلیل قلب میداندا دوروب خسته آتا تشنه بالا بالانی گوستره قومه اونا جرعه سو آلا عرض ایدوب لشگره دلبند رسول ثقلین هم بالام تشنه دی هم اهل حرم بیرده حسین بیزه رحم ایلمینلر بالا رحم ایلیون سیزی تاری بونا بیر جرعه سو احسان ایلیون بیر تجسم که بالوق آیری دوشوب دریادن دوز او حالتده دی حالی بالامون گرمادن غنچه مثلی قیزاران لبلری خشکیده اولوب سوز گرماده بونون دل دوداقی رنگی سولوب بالام از بس ال ایاق چالدی اوزون خسته ایدوب دوشدی دیلدن الیم اوسته نظرون غشه گیدوب گر بونا سو چاتا گر چاتمیا تئز جانی چیخار جانی چیخسا بالامون نیسگلی دنیانی یخار چوخ یوباتمون بالانی چون نگراندور آناسی گوزلری یولدا قالوب تا گیده عطشان بالاسی دیمیرم سو ویره سوز من اونی سیراب ایلیوم آپاروب کیم سو ویره منده دعاسون ایلیوم قوشونا ایتدی اثر شاه شهیدان سخنی چوخ پوزوب لشگرین احوالینی اصغر محنی تا دگرگون ایلیوب وضعی امام اوغلی امام او قصی قلبیلره دیگدی او سوزنده کلام هامی آغلاشدی او اثناده گوروندی علنی سعدون اوغلی ولی ایلوبدی الیندن گلنی چاغروب حرمله نی هارداسان ای شوم دغا قلب میداندا گرک سن ایده سن فتنه به پا اوخلا بو گول بالانی قانینه غلطان ایله سن تا جگر داغی بو دم بیکس حسینه ویره سن یتوروب فوراً اوزون گلدی عمر سعده طرف دیدی کیمدور اونی تا من ایلیم تیره هدف؟ تا گوستردی اونا شمسون الینده ماهی گوز یاشون قانینه دوندر بو کمک سیز شاهی وردی اوّلده دیزین تپراقا ثابت اوتوروب او شل اولموش الینه تیر کمانون گوتوروب تاکی میندیری اوخی ایری کمانون زهینه او اوخیکی ویریلیب سو قوی زهرین بهینه قهریله چکدی اوخی تا هدفه سالدی نظر بیلدی تا دگسه اونا باشینی تز تندن اوزر اوخ رها اولدی بسرعت یتیشبدور هدفه گوهر جانی تاپا صدمه وروبدور صدفه تا یتیشدی هدف عالیه اول تیر بلا ذبح اولوبدور بو قولاقدان او قلاقه او بالا قانی آتدی گویه فواره کیمین شدتیلن دیسگینیب تتردی بیردن بدنی وحشتیلن تاکی قان دیدی او دیلسیز بالانون لبلرینه بالا اوز قانینی لبلردن اموب صود یرینه او رضیع قانینی امدی چوخ آغیر مرحله دی چون ربابون یرینه صود ویرنی حرمله دی بالا بیر گوزلرون آچدی آتایا قیلدی نظر دیلی اولمادی دِیه غم یمه ای ماه سیر منی ده اکبر حساب ایت باباجان ایلمه غم سرو تک قامتیوی دشمن آرا ایلمه خم سس گلوب گویدن حسین اَللرینی آچ بالانون اوخی چک دیل دوداقی قانه بلندی بالانون قالدی آواره حسین حمله ایدوب لشگر غم او الف قدینی نون مثلی بیله ایلدی خم باسدی بیر باغرینا شدتله او مظلوم بالانی اوپدی اوچ پر اوخ آچان حلقیده کی گول یارانی تا بوغازوندان اوخی چکدی حسین آهسته شاهرگ چون کسیلوب قانی گلور پیوسته قویمادی قطره قانی تا توکوله یئر اوزونه گه سپوپ آسمانا گاهی چکوبدور یوزونه سن قبول ایله الهی بو حسینون کمگون بالا چرپیندی ایدوب قانیله حمرا بلگون ال ایاق چالدی بیر آز تا جانی چیخدی بالانون باخدی تا گول یوزونه حالی پوزولدی آتانون اوزولوب گردن نازک باش اولوب آویزان باش آخوندی دالیا اولدی بدن نامیزان ****** حسن مرادی برچسبها: حسن مرادی
+ نوشته شده در یکشنبه ۱۹ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
