|
تنها ماندن امام در مقتل زبانحال سیدالشهدا(ع) در مصرع اصحاب وفادارش ای منتخب اصحاب وفاداری حسینون آخر سیزیدوز محرم اسراری حسینون ای مسلم و هانی و حبیب ابن مظاهر ای حر و هلال و وهب طیّب و طاهر ایتدوز نه گوزل خدمتوزی عالمه ظاهر ای جمع وفاگستر و دینداری حسینون اولدوز بو بیاباندا شهید اولماقا شایق الحق سیزیدوز بیر بیله فیض آلماقا لایق لم یسبقکم سابق و لایلحق لاحق حقدور سیزون حقّوزده بوگفتاری حسینون طوبا سیزون احوالوزه اصحاب وفا سیز آفاقده سیز منتخبین شهدا سیز فرسان معارک همی ابطال صفا سیز ای فرقه ی بی مثل هواداری حسینون ویردوز ره جانان ده جان قانوزا باتدوز تا بیرق اسلامی بو صحراده اوجاتدوز ایمانیله دنیانین هامی فکرینی آتدوز اولدوز هامو همدرد و هواداری حسینون ایمان ایوینی ایتدی سیزون خدمتوز آباد دین گلشنینه ویردی صفا تا دم میعاد گورموبدی سیزون مثلوزی بو عالم ایجاد حقّوزده کفایتدی بو پنداری حسینون گلدی دایانوب قید غم و محنته بسته اصحاب وفادارینون اول شه باشی اوسته بیر بیر اولاری سسلدی چوخ قلبی شکسته کای زمرۀ خوش طینت و غمخواری حسینون بیرجه اویانون خوابدن ای قوم گرامی یالقیزلادی دشمن حرم خیر الانامی اطراف خیمدن داغیدون لشگر شامی وحشتده دی چوخ خیرداجا قیزلاری حسینون نولموش منه هی سسلورم آخر من بیکس بو جمعدن اصلا سسیمه یوخدی ویرن سس نولدی او هامی سیزده اولان مهر و وفا بس ای محترم اصحاب نکوکاری حسینون سیز سوز که ایدردوز منه ابراز شفقّت بوللم که ئولوم سیزدن ایدوب سلب محبّت هیهات آیرسون سیزی مندن بو شهادت آز قالدی سیزیله اولا دیداری حسینون کسدوز هامی اولاد و عیالوزدان علاقه گلدوز منه نصرت دن أؤتور دشت عراقه من یالقزام آخر دورون ای قوم ایاقه بی یاردی اولاد دل افکاری حسینون آل اللهین اطرافین آلوب فرقه ی اعدا قارداش یوخ اوغول یوخ کمکیم قالمیوب اصلا ایتامه پرستار قالور خیمه ده تنها بیر اوغلوم علی عابد بیماری حسینون بس صرصر ظلم اسدی بوگون گلشن دینه گول آغلادی گلشنده گلوب بلبل انینه یاسه باتوروب نسترنی مثل سکینه گوللر سولوب افسرده دی گلزاری حسینون سسلردی اوغول یاتما اویان دور على اکبر ای ماه بنی هاشم ابوالفضلی برادر دور گور نجه گوز یاشی توکر زینب مضطر سن سیز پوزولوب رونق پرکاری حسینون بیردن حرکت ایتدیله یردن او بدن لر عرض ایتدیلر ای پادشه بی کس و یاور ویر اذن دوراخ ایلیاخ امداد سراسر باخ گور نه وفاداردی انصاری حسینون فرمایش ایدوب شه یاتون ای قوم وفادار الله سیزه رحمت ایلسون تا که جهان وار گللم سیزون آردوزجا اوزومده من بی یار دعوت ایلیوب حضرت داداری حسینون ****** مرحوم حاج میرزا احمد ذاکر تبریزی برچسبها: میرزااحمد ذاکرتبریزی
+ نوشته شده در دوشنبه ۲۰ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
