|
اربعین - زبانحال حضرت رباب به فرزندش علی اصغر ای سوسوز قاننه بو چولده باتان باباسی سینه سی اوستونده یاتان **** دور اوغول آتش وصله آلیشاخ اوتوراخ سو سوزی سنله دانیشاخ سویون اوستونده کوسوبسن مندن دور وئریم سو سنه سندن باریشاخ **** دور اوغول دردیمی بیرده تازالا سینمی بیرده سو اوسته یارالا دور دویونجا سو وئریم ایچ گینه یات اللرین باغلامارام بیرده بالا **** فلکون منله بو پی گردی اوغول عیشیمی محنته دوندردی اوغول دوزدیم هر محنته من بلمدیم هئچ سخت اولار بیله بالا دردی اوغول **** من ربابم سنه چوخ آغلامیشام سینه می دردیویلن داغلامیشام واردی حقون منی دیندیرمیسن من سنون اللریوی باغلامیشام **** غصه دن اوندا مجالیم یوخودی سن ئولوردون منیم حالیم یوخودی اللرون باغلادیم آرام اولاسان یوخسا بیر آیری خیالیم یوخودی **** گوردوم اوندا وئروسن جان علنی چاره سیز سالدیم ایله حاله سنی سنی یوردی نه قدر باغلاماسی مین ایله آشماسی یاندیردی منی **** یانام اول دلده کی نسگیللریوه او اشارتله دین دللریوه الیم هر یردن اوزولموشدی اوغول آند اولا باغلادیغیم اللریوه **** یانمورام اولمادی سوت٬ سوت یمدون تشنه لیق دردینه تاب ایلمدون یانورام من بالا بو نسگیلیوه سوزلرون قالدی ئورکده دئمدون **** دئمیوب سوزلریمی آغلامیشام شام و گوندوزلریمی آغلامیشام گئتمیشم هر یئره هاردا سو گوروب یوموشام گوزلریمی آغلامیشام **** بیر گون ای غنچه ی نشکفته ی تر قبریوه (( گلشنی )) زوار اولا گر یوز قویار قبریوه گوز یاشلی سنون من کیمی آغلار اوغول بیله دیر ****** محمد گلشنی تبریزی برچسبها: محمد گلشنی تبریزی
+ نوشته شده در دوشنبه ۲۰ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
