|
زبانحال خانم رباب (س) به علی اصغر (ع) چشمه اشگیم اوغول وار نه قدر عمر آخاجاق نسگلین قلبیمی هم یاندیراجاق هم یاخاجاق نه قدر بوش بیشیگه غصه لی مادر باخاجاق آناوین دردینه دنیاد نه دور چاره اوغول پرپر اولماقین ایدوبدیر منی بیچاره اوغول عالمین نیسگیلی بو حال خرابیمده منیم آنالار داغی بوتون قلب کبابیمده منیم گوره سن حق نه یازیپ غملی کتابیمده منیم که فراقینده گرک دایمی محنتده یانام گون قاباقینده بوتون آهیله حسرتده یانام صبحیدن شامه کیمی بوش بشیگی سیلکه لرم گوزومون قان یاشینی دامنه اوغلوم الرم بالاسی اوخلانان آهو کیمی منده ملرم یانیرام دایمی من سوزش آهیلن علی اوخلیوبلار سنی آیا نه گناهیلن علی عمرومون شمعی بالا هی گونی گوندن آزالوب آناوین غصه سی چوخ سنی جوانکن قوجالوب قوجالوب من دییرم یعنی ایله وضعه قالوب قارداشیم یثربه گلدی تانیانمادی منی گردشیندن قالا ای کاش بو دور و زمنی گیدرم هوشه گلیرسن یوخوما گورسه نیسن کربلا ده گوره رم هرده ن اوغول قان امیسن بیشیگینده بیله فکر ایلیرم ترپه نیسن دیسگینیب تیز یوخودان سسلیرم لایلای علی گوره رم بوشدی یرین هی دییرم ای وای علی گاه گوررم که ووربلار باشیوی نوک نیه یا گتورمیشلر اونی شامیده بیر بزم میه آناوین دردینی حاشا بیری ادراک ائلیه شیرخواری ئولنه رسمیدی رافت ایده لر گوز ایوینده نه که قاتللر ایله سان گیده لر گاه گوررم دیل آچیپسان دانیشیرسان منیلن یا قوجاقدا دانیشیرسان داش اورک دشمنیلن حرمله ! گول بوغازین نسبتی نه ؟ آهنیلن؟ اوچ پر اوخ شیری ییخان یرده منی گور نیلر خالقیم عالم عقباده سنی گور نیلر اورگیم اودلانوری عمه وی هر گوردوقجه پوزولور حالیم اونی حالی کدر گوردوقجه رشته جانیم اسور بیر صود امر گوردوقجه او صود امدیگجه اورکدن من اوغول قان اوتارام خلوتیمده سنه بیر ماتم دیگر دوتارام وار شکیبامون اگر چه آجیسی زجری اوغول عیبی یوخ تیره شبین وار سحری فجری اوغول روز محشر بیلینر بو عملین اجری اوغول اوندا بیز مادحیوه لطف فراوان ایدروخ شاعر خونجگره خدمت (( شایان )) ایدروخ ****** رحیم شایان برچسبها: رحیم شایان
+ نوشته شده در دوشنبه ۲۰ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
