|
زبانحال حضرت زینب (س) در کوچ از قتلگاه حسینیم بو سنون جسموندی غرق خون اولموش؟ و یا بیر گوهر غلطاندی یرده تیره گون اولموش؟ سنق نیزه قلج داش نازنین جسمون ایدوب مستور سوسوز نحرون اولوبدور سو کنارینده سنون منحور عجیبه ظلم ایدوبدور ساربان ایکاش اولیدیم کور حسین حقونده بی اندازه اسقاط شئون اولموش اسوب یل لر بوروندی خار و خسله سوسنیم وردیم نلر من فکر ایدوب نخل امیدیمدن نلر دردیم سنون تقدیر مظلومیتون قارداش منیم دردیم دیورسن شرح نون و القلم ما یسطرون اولموش دوشوب توپراقلارا دوغراندی هر نه گل بدن واردی گوز ایشلور هر قدر قان کاسه لاله بیر چمن واردی نقدری سرو قامت زلفی رشک یاسمن واردی یخیلموش بو چمنده ساقه لر دینه ستون اولموش آلوب لیلا کناره اکبرین گویادی ماتمدن رباب اصغرده قاسمده سریه اودلانار غمدن دریغا اطلاعیم یوخ کنار نهر علقمدن علمدارون قالوبدور هاردا ؟ کلثومی جنون اولموش دیمم مضروب اولوب باشدان باشا جسمیمدی زنبق تک گوروب آل علی بو چولده انواع ستم تک تک ولی سرخیلمیز ناخوشدی چون تنها منم بی شک بو جمعین پاسبانی گور نئجه دردیم فزون اولموش چکیلدی جار قارداش عازمم شامه چیخوب فرمان قولوم باغلی اسیرم فرصتیم یوخ درد بی درمان بلالی باشوه اولسون بلالی زینبون قربان منه مهروندی بو غملی سفرده رهنمون اولموش سنون قبروندن اوتری ((شاکرین))مهموم اولوب قلبی محیط عشقیده عشق حسینیله دولوب قلبی جهان پست و ارذل ملک دنیادن دویوب قلبی چاغور گلسون فقط قبرون اونا مدعیون اولموش ****** مرحوم حاج حسین علیزادگان (شاکر تبریزی) برچسبها: حسین علیزادگان شاکر
+ نوشته شده در دوشنبه ۲۰ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
