|
حسینیم وای حسینیم وای حسین ای شاه مظلومان حسین ای آیت سبحان نوایه کیم گلوب مولا یارالی سینه ووه قربان (حسینیم وای حسینیم وای) (حسینیم نور عینیم وای) شهید کربلا سن سن غریب نینوا سن سن عزیز مصطفا سن سن کفیل مرتضا سن سن وصی اوصیا سن سن جهانه مقتدا سن سن که یعنی حجت یزدان (حسینیم وای حسینیم وای) (حسینیم نور عینیم وای) عزایه مبتلا سن سن ره حقه فدا سن سن بویانموش قانه مقتلده حبیب کبریا سن سن دیار عشق و الفتده ذبیحاً من قفا سن سن که یعنی قانینه غلطان (حسینیم وای حسینیم وای) (حسینیم نور عینیم وای) آچیلدی قاره پرچم لر قورولدی بزم ماتم لر اوجالدی عرش اعلایه اورکلردن جوشان غملر آنان زهراده سسلندی ایا ای زاده ی حیدر حسین ای روح جاویدان (حسینیم وای حسینیم وای) (حسینیم نور عینیم وای) باجون زینب نوا ائتدی عذاره گوز یاشی آخدی ابالفضلی صدا ائتدی پریشان قیزلارین باخدی او حال دا شانه محنت پریشان زلفونه تاخدی دئدی ای محور ایمان (حسینیم وای حسینیم وای) (حسینیم نور عینیم وای) باشیندا قاره بیر معجر دئدی ای آیت داور باجون صبرین وئروب الدن عنایت ای شه محشر ندن ای شاه دین ترسه دولاندی چرخ بازیگر که سالدی عالمه طوفان (حسینیم وای حسینیم وای) (حسینیم نور عینیم وای) بوغازی نهر اولان قارداش مناده غسلی قان قارداش بهار بی خزان قارداش گل باغ جنان قارادش دیلیمدن دوشمیوب دوشمز جفای میزبان قارداش شرار درد و محنتدن اولوبدور سینه لر سوزان (حسینیم وای حسینیم وای) (حسینیم نور عینیم وای) سنه دیل داغلارام قارداش ئولونجه آغلارام قارداش سرشک درد و اندوهی عذاره باغلارام قارداش دیوب نوحه بتولیم تک اورک لر داغلارام قارداش منه سندن صورا دنیا اولار چون کلبه احزان (حسینیم وای حسینیم وای) (حسینیم نور عینیم وای) اوجالموش قانلی میداندان نوای جان ستان قارداش سوزوم یوخ خیمه گاهونده کیم اولموش باغریقان قارداش فشار درد و ماتمدن آخور رخسارینه قان یاش جوانی دوغرانان لیلا دیور ای کشته قرآن (حسینیم وای حسینیم وای) (حسینیم نور عینیم وای) بو صحراده قیزیل قانه بویانموش تازه دامادی عروسین حجله گاهیندن اوجالموش عرشه فریادی منی آغلار گونه قویموش طریق عشقین استادی اولوب سیل سرشکیم قان (حسینیم وای حسینیم وای) (حسینیم نور عینیم وای) گلستان وفاسینده سوزسوز طرلانی اوخلانموش بهار بی خزانیده گل بستانی اوخلانموش قوجاقینده سو اوستونده قوزی قربانی اوخلانموش بو صحرای غم افزاده بالا عطشان آتا عطشان (حسینیم وای حسینیم وای) (حسینیم نور عینیم وای) فشار درد و محنتدن آخیر رخساره قان یاشلار گوروب کیم باغریقان اولسون جدا اوستونده کی باشلار یانور احوالووه قارداش دگنده آنلووا داشلار (حسینیم وای حسینیم وای) (حسینیم نور عینیم وای) طریق حقه انسانی هدایت ایلیین سن سن جهاندا اهل ایمانه عنایت ایلیین سن سن (جدا اوستونده قرآنی) (تلاوت ایلیین سن سن) یقین کی سسلنور قرآن (حسینیم وای حسینیم وای) (حسینیم نور عینیم وای) بابام تک عرش اعلانی زیارت ایلیین سن سن جهاندا اهل طاعتدن حمایت ایلیین سن سن ****** مژده اردبیلی
برچسبها: جابر ولدپور مژده اردبیلی
+ نوشته شده در دوشنبه ۲۰ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
