|
احوالات حضرت ابوالفضل العباس( ع) سسلدی قارداشنی عباسووام گل دادیمه سو کیمی قانیم رواندی یوخ چاتان فریادیمه گل حسین دست قضا چکدی منه نقش کمند ایتدولر قارداشیون جسمون بو یرده بند بند شاهباز عشقوم بو چولده سندی پرلریم یاره لر انجمدی گویا چون سماء دور پیکریم احتضار حالوندیم من شمع حق پروانه سی من ابوالفضلم سنون تک قارداشین دیوانه سی مکتب عشقونده تحصیل ایلیین جانبازوام نه وزیرم نه علمدار خاکسار سربازوام ای اولان بو خسته جسمیمده منیم جانیم حسین گل طبیب اول منه ای رگده گزن قانیم حسین صون نفسده یوزویوی گورماقا واردور هوسیم سنون عشقینده چاتوبدور منیم افلاکه سسیم یتوشوب جان دوداقا تنگه دوشوبدی نفسیم باشیم اوسته گل اَخا جان ویرورم یوخدی کسیم قوللاریم یوخدی ایدم دشمنیلن جنگ و جدال سو گتورماق منه اولدی بیله وضعیمده مُحال گلوری فکریمه هرلحظه ده قارداش بو سئوال گوره سن بو دم آخر چاتار عباسه وصال گوردولر بازار عشقونده خریدار اولومشام عشقون اوسته قول ویروب قولسوزعلمداراولموشام دوتدولار سو مشکیمی الده بهانه ایتدیلر مشکیمی هم جسمیمی تیره نشانه ایتدیلر باش یارا ، ساغ گوزده اوخ ، قوللار قلم سلب اولوب مندن قُوا یوخ اَل دوتام بیرده علم مشکله دوشدوم حسین گل مشکلی هموار ایله بیر غلام درگهونده لطفووه سرشار ایله یوخدی فرصت کوفیان اطرافیمی یکسر آلوب هم سو مشکی هم لوای دین حق یئرده قالوب صون نفسده انتظارم یولدادی قانلی گوزوم بو دم آخرده وار گلسن سنه قارداش سوزوم تا سسین آلدی خییمده پادشاه نُه قُباب گلدی تا ایتسون حمایت ماهینه چون آفتاب پاره پاره پیکرین یئر اوسته قارداشین گوروب قوللاری تندن جدا گوزلرده قانیاشین گوروب ایتدی فرمایش گوزون آچ ای وزیر لشگریم تک منه بو چولده سنسن یاتما دور غم پروریم دور گیداخ اخیامیده صولدی سارالدی لاله لر الده سو جامی چیخوبدی عرش حقّه ناله لر آدلارین مسلم قویانلار قوللارون ایتدی قلم یغدیلار دنیا بوئی بو سینمه درد و الم جرأت ایتمزدی بو دشمن گر اولیدی اللرون بند بند اولمازدی قارداش بیله جسم اطهرون گوز آچوب سقا گوروبدور مهربان قارداشنی یئر ویروب مِهر و محبتله دیز اوسته باشنی عرض ایدوب قارداش سنه قارداش دئیدم وار علّتی فاطمه اوغلوم دئدی ویردی منه بو عزّتی من آت اوستن تا یخلدیم آچدی آغوشون منه قوللاری قاخموردی اما سویلدی قربان سنه من اسیر عشق دشت کربلا سلطانیم من بو گونده هم سنه هم فاطمه قربانیم ای اولان پروردۀ زهرا و دنیا رهبری خواهشیم وار خیمییه حمل ایلمه بو پیکری شاه دین سن من غلامم درگهونده بندییم من حرم آهولریندن دنیا جان شرمندییم آرزیمون نقشه سینی پوزدی سویوم آخدی چوله یاندیروب یاخدی گوزوم یاشنی دوندردی سئله تا دئدی بو سوزلری یومدی گوزون اولدی شهید قویدی اول طوفان غمده قارداشی قالدی وحید هر نقدری سسلدی سس ویرمدی قربان عشق آغلادی آلام دل اسگیلمدی سلطان عشق یوز دوتوب اخیامه سسلندی باجی ئولدی اِلیم وای سنه بوندان صورا ایوای منه سیندی بلیم موج ایدر دریا کیمی ئولدورماقا لشکر منی قوللاری باغلی چکر هم کوفیه شامه سنی ((عدلی)) یاز نوحوی تدریس ایله قرآنیوی سن گون به گون محکم ایله صدقیله ایمانیوی سن حشریده الده کی یازدیقلاری عنوان أیده سن قویماروق نوکریمیز سن گوزی گریان أدیده سن ****** حاج اصغر فرشچی ( عدلی تبریزی) برچسبها: اصغر فرشچی عدلی تبریزی
+ نوشته شده در سه شنبه ۲۱ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
